Нягталъя: Google Map дээрх Монголын зарим газар БНХАУ-ын эзэмшилд ОРООГҮЙ

Өнгөрсөн долоо хоногт болсон Нүүрсний сонсголын үеэр Өмнөговь аймгийн Ханбогд сумын нутаг дэвсгэрээс гадаад иргэний эзэмшилд шилжүүлсэн гэх асуудлын талаар хэлэлцсэн. Үүнтэй холбоотойгоор Өмнөговь аймгийн газар нутгийн нэршлийг сольсон байж болзошгүй гэсэн хардлага иргэдийн дунд үүсээд байна.

Тэгвэл, газрын зураг дээр харагдаж байгаа нэршлүүд БНХАУ-тай холбоотой эсэхийг нягтлахад,

Google map дээрээс тус газруудын нэршлийг хайж үзэхэд БНХАУ-тай холбогдсон нэр байхгүй байна.

Egazar.gov.mn сайт нь манай улсын газрын бүртгэлийн албан ёсны хаяг юм. Тус сайтаас Өмнөговь аймгийн нэр нь солигдсон газрын мэдээллийг харахад БНХАУ-ын эзэмшилд газар байхгүй байна.

-Google map зураг дээрх албан нэрийг өөрчилж болдог-

Google map дээрх нэрийг хэрхэн өөрчлөх талаар судлаж үзэхэд, газрын байршил дээрх эдит хийх буюу засах цэсрүү орж тус байршлынхаа нэрийг өөрчилж болдог байна. Иймд Өмнөговь аймгийн газар нутгийн нэршлийг хэн нэгэн хэрэглэгч өөрчилсөн байхыг ч үгүйсгэхээргүй юм.

-Geographical: Энэхүү сайтад манай улсын газар нутгийн нэршлийг үсгэн тэмдэгтээр тэмдэглэсэн байна-

Орон нутаг, хот, захын дүүрэг, тосгон, суурин газрын нэрс, түүхэн газруудын байрлал болон, газарзүйн онцлогийг тусгай үсгээр тэмдэглэдэг дэлхий нийтийн жишиг байдаг. Энэхүү сайт нь National Geospatial-Intelligence Agency сайтыг эх сурвалж болгон ашигласан бөгөөд манай улсын газрын нэрсийг үсгэн тэмдэгтээр тэмдэглэсэн байна.

Жишээ нь: Хан Тайшир уулыг- Yihe Ayl - Yin-te-erh-t'u-ha-erh-ao-pao гэх мэт үсгэн тэмдгээр тэмдэглэсэн байгаа юм. Уг сайт албан ёсных эсэх нь одоогоор тогтоогдоогүй байна.

Иймд Өмнөговь аймгийн газрын нэршлийг БНХАУ-аас солиогүй байна.

Энэ мэдээнд өгөх таны үнэлгээ

Хуваалцаарай Жиргээрэй