Хүн болгоны хурууны хээ дахин давтагдашгүй байдаг гэгддэг билээ. Тэгвэл Колумбын их сургуулийн явуулсан судалгаа үүний эсрэг үр дүн харуулсан байна. Тус их сургуулийн эрдэмтэд хиймэл оюун ухааныг хурууны хээ шинжлэхэд сурган, 60 мянган ширхэг хурууны хээнд дүн шинжилгээ хийжээ.
Энэ хиймэл оюун ухаан нь өөр өөр хурууны хээг нэг хүний гарынх эсэхийг 75-аас 90 хувийн нарийвчлалтай тодорхойлох чадвартай гэж судлаачид хэлсэн байна. Гол асуудал бол хүний гарын 10 хурууны хээ бүр өөр гэж мэргэжилтнүүд үзсээр ирсэн явдал юм. Тэгтэл тус хиймэл оюун ухаан өөр өөр хурууны хээг нэг хүний гарынх эсэхийг мэдэж чадаж байна.
Гэхдээ эрдэмтэд тус хиймэл оюун ухааныг хэрхэн хурууны хийг шинжилдэг гэдгийг нь сайн ойлгохгүй байгаа юм. Шүүх эмнэлгийн эрдэмтэд хурууны хээг харьцуулахдаа ховил хэрхэн салаалж, төгсөж байгааг ажигладаг. Судлаачид тус хиймэл оюун ухаан үүнээс өөр аргаар, хурууны хээний төв дэх гогцоо, эргүүлгийн өнцөг болон мурийлттай холбоотой үзүүлэлтийг ашиглан шинжилж байсан гэж мэдэгджээ.
Энэ судалгааны үр дүн нь биометрийн үзүүлэлт, шүүх эмнэлгийн шинжлэх ухаанд нөлөөлөх боломжтой. Хэрвээ хэргийн газар A-гаас үл танигдах эрхий хурууны хээ, Б-гээс үл мэдэгдэх долоовор хурууны хээ олдвол тус хиймэл оюун ухааныг ашиглан нэг хүний гарынх эсэхийг 75-аас 90 хувийн нарийвчлалтай тогтоож болно гэсэн үг.
Гэхдээ судалгаанд ашигласан хээнүүд бүгд бүтэн байсан. Харин хэргийн газраас олддог хээ ихэнхдээ дутуу байдаг билээ. Ийм учраас нэмж судалгаа хийх хэрэгтэй гэдгийг эрдэмтэд онцолсон юм.
Эх сурвалж: BBC
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Яаж шинжилснээ бат�##�ж чадахгүй бол шүүх эмнэлэгт ашиглах боломжгүй.
Hiimel oyun uhaanaa herhen uildel hiij bgaag oilgohoo bolij ehelsen bol ene chini tom ayul daa. Ted uursduu suraltsaad, shine arga nevtruuleed, daalgavar bieluulj bna gesen ug uu? Jishee n, bi bol AI-d yanz buriin ugugdul uudiig ugch, tuuniig herhen process hiihiig n programchlaad ugunguut ter programchilsnii daguu AI machine uud, analysis hiideg gej oilgodog, getel odoo AI machine n zaaj surgasnaas oor arga neej olood, medeelliig process hiideg bolj bgaam uu?