Энэтхэгийн Керала мужид оршин суудаг 18 настай Сучета Сатиш 140 хэл дээр дуулж Гиннесийн амжилт тогтоосон байна. Тэр өнгөрсөн арван нэгдүгээр сарын 24-нд Дубай хотноо 9 цагийн турш дуулсан юм.
Тухайн үед Дубай хотноо Цаг уурын төлөөх тоглолт нэртэй эвент явагдаж байжээ. Гиннесийн амжилтын албан ёсны вэбсайт дээр “Дубайд болох НҮБ-ын Цаг уурын өөрчлөлтийн бага хуралд оролцох 140 орныг төлөөлөх зорилготой 140 хэл дээр дуулсан” гэж бичсэн байна.
Сатиш өөрийн “Instagram” хуудас дээрээ өнгөрсөн долоо хоногт “2023 оны 11-р сарын 24-нд болсон тоглолтын үеэр би 9 цагийн дотор 140 хэлээр дуулж Бурханы ивээлээр Гиннесийн дээд амжилтыг шинэчлэн тогтоосон гэдгээ хуваалцахад таатай байна. Та бүхний дэмжлэгт баярлалаа” гэж нийтэлжээ.
Эх сурвалж: The Independent
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.