Оскарын шагнал хүртсэн “Parasite” киноны найруулагч тэргүүтэй Өмнөд Солонгосын кино салбарын одод жүжигчин агсан И Сон Кюнтэй холбоо бүхий хар тамхины хэрэг дээр цагдаа, хэвлэл мэдээллийн хэрэгслүүд хэрхэн ажилласныг мөрдөн шалгахыг уриалсан байна.
Өнгөрсөн сард “Parasite” кинонд дүр бүтээсэн алдарт жүжигчин агсан И Сон Кюн машиндаа нас барсан байдалтай олдсон. Түүний хар тамхитай холбогдсон гэх хэргийг цагдаагийн алба аюулгүй байдал, нууцлалын дүрмийг зөрчилгүйгээр явуулсан эсэхийг шалгахыг уран бүтээлчид уриалжээ.
Жүжигчид И Сон Кюн агсны хэргийг орон нутгийн хэвлэл мэдээллийн газрууд цагдаагийн албан тушаалтнуудаас иш татан мэдээлж байсан тул хар тамхины хэд хэдэн шинжилгээ нь сөрөг гарсан ч гэсэн түүний нэр хүнд унасан гэж мэдэгдсэн байна.
Мөн уран бүтээлчид И Сон Кюний хувийн амьдралд анхаарлаа хандуулан, баталгаагүй мэдээлэл ашиглан сенсац болгон мэдээлж байсныг буруушаажээ. Тэдгээр жүжигчид хэвлэлийн бага хурлын үеэр 2 мянга гаруй уран бүтээлч, салбарын 29 холбоодын гарын үсэг зурсан мөрдөн шалгалт явуулахыг шаардсан бичгийг харуулсан юм.
Эх сурвалж: Reuters
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.