“Oxfam” компани энэ жилийн тэгш бус байдлын тайлангаа ням гарагт /2024.01.14/ нийтэлжээ. Тус тайлангаас харвал дэлхийн хамгийн чинээлэг 5 хүний хөрөнгө 2020 оноос хойш хоёр дахин нэмэгдэж 869 тэрбум ам.долларт хүрсэн байна.
Харин инфляц, дайн, цаг уурын өөрчлөлтийн улмаас 5 тэрбум хүний орлого буурчээ. “Oxfam”-ийн тооцоолсноор энэ явцаар бол дэлхийн бүх иргэдийг ядуурлын түвшнээс 230 жилийн дараа гаргах юм.
Дэлхийн хамгийн чинээлэг таван хүний хөрөнгө хэр нэмэгдсэнийг харцгаая.
- “Tesla”, “SpaceX” гэх мэт компанийн захирал Илон Маскийн хөрөнгө 2020 оны гуравдугаар сартай харьцуулахад 737 хувиар нэмэгдэж, арван нэгдүгээр сарын сүүл гэхэд 245.5 тэрбум ам.доллар болжээ.
- Тансаг брендүүдийг эзэмшдэг “LVMH” компанийн удирдагч Бернард Арнаултын хөрөнгө 111 хувиар нэмэгдэж 191.3 тэрбум ам.долларт хүрсэн байна.
- “Amazon” компанийн үүсгэн байгуулагч Жефф Безосын хөрөнгө 24 хувиар нэмэгдэж 167.4 тэрбум ам.доллар болжээ.
- “Oracle” компанийн үүсгэн байгуулагч Ларри Эллисоний хөрөнгө 107 хувиар өсөж 145.5 тэрбум ам.долларт хүрсэн юм.
- Амттануудын үйлдвэрүүд эзэмшдэг “Berkshire Hathaway” компанийн захирал Уаррен Баффетийн хөрөнгө 48 хувиар өсөж 119.2 тэрбум ам.доллар болсон байна.
Эх сурвалж: CNN
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.