Жил бүрийн цагаан сарын өмнө улсын аварга малчид, саальчид, тариаланчдыг тодруулдаг. Энэ жилийн тухайд хоёрдугаар сарын 10-ны өдөр билгийн тооллын шинийн 1 тохиож буй. Иймд уламжлалын дагуу 2023 оны улсын аварга малчин, тариаланч, саальчид тодорлоо.
Тэдний шагналыг тухайн тойргоос нь нэр дэвшиж, УИХ-д сонгогдсон гишүүд ихэнхдээ очиж гардуулдаг бол шагналд дагалдах бэлэг, цом, дурсгалын зүйл, домбо, мөнгөн аяга зэргийг ХХААХҮЯ хариуцдаг. Энэ жилийн тухайд салбарын яам дээрх шагналуудад зориулж нийтдээ 604 сая 300 мянган төгрөгийн дүн бүхий найман тендерийг зарлажээ. Үүнд,
- Хувин худалдаж авах 50,400,000
- Цолны үнэмлэх 33,600,000
- Тариан түрүү, таван хошуу мал бүхий шармал хээтэй домбо 33,000,000
- Улсын аварга тариаланч хамт олон болон аварга тариаланчид олгох алтадсан тариан түрүү бүхий шармал хээтэй мөнгөн аяга 60,500,000
- Улсын аварга тариаланчийн цом 50,000,000
- Улсын аварга болон хошой аварга малчны дурсгалын цом 183,600,000
- Улсын аварга болон хошой аварга малчин, фермер, саальчинд өгөх мөнгөн аяга 159,600,000
- Улсын аварга болон хошой аварга малчин, саальчин, фермерт олгох гарын бэлгийн багцыг 33,600,000 төгрөгөөр авахаар тус тус багтаасан байна.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Еээ яасан жоохон юм өгдийн !