""Дашваанжил"-ийн автомашины хөдөлгөөнд цагийн хязгаарлалттай оролцох зөвшөөрөл нь олдоогүй"

Үүссэн нөхцөл байдалтай холбоотойгоор УОК хуралдаж дуусаад УОК-ын дарга, Шадар сайд С.Амарсайхан тэргүүтэй албаны хүмүүс мэдээлэл хийлээ.

Видео үзэх:

Энэ үеэр ЦЕГ-ын Нийтийн хэв журмыг хамгаалах, олон нийтийн аюулгүй байдлыг хангах албаны дарга, хурандаа Н.Лхагвасайхан газ тээвэрлэж явсан автомашины талаар мэдээлэв.

Тэрбээр "Нийслэлийн нийтийн тээврийн газраас өгсөн мэдээллийг хүргэе. 2167УЕ улсын дугаартай "Дашваанжил" ХХК-ийн автомашин НИТХ-ын тэргүүлэгчдийн 2014 оны 102 дугаар тогтоолоор батлагдсан "нийслэлийн гудамж, замын хөдөлгөөнд цагийн хязгаарлалттайгаар оролцох түр зөвшөөрөл олгох журам"-ын 2.2 дахь заалтын дагуу С, Е ангиллын зөвшөөрлийг нийтийн тээврийн газраас авсан эсэхийг шалгаж үзсэн.

Ингэхэд зөвшөөрөл авсан эсэх мэдээлэл байхгүй байна. Энэ чиглэлийн зөвшөөрөл олгох хяналт тавих үйл ажиллагааг нийслэлийн Нийтийн тээврийн газар хэрэгжүүлж ажилладаг. Осол гардаг тухайн уулзварт шөнийн 01.00 цагийн үед хөдөлгөөн сийрэгжсэн байсан тул биет зохицуулалт хийгдээгүй. Гэрлэн дохиогоор зохицуулагдах боломжтой байсан" гэлээ.

Өөрөөр хэлбэл, "Дашваанжил" ХК-ийн автомашин хөдөлгөөнд цагийн хязгаарлалттайгаар оролцуулах журмын дагуу зөвшөөрөл аваагүй байсан болж таарч байна.

Редакциас уг осол гарсантай холбогдуулан, "Дашваанжил" компаниас дараах агуулгаар мэдээлэл бэлтгээд байна.

Энэ мэдээнд өгөх таны үнэлгээ

Хуваалцаарай Жиргээрэй