“Reuters” агентлагийн олж авсан баримт бичигт НҮБ-ын мэргэжилтнүүд БНАСАУ-ын хакерууд 3 тэрбум гаруй ам.долларыг завшсан гэгдэж буй хэд хэдэн цахим халдлагыг шалгаж байгааг дурджээ.
Хоригийн арга хэмжээнд хяналт тавьдаг ажиглагчид НҮБ-ын Аюулгүйн зөвлөлд мэдэгдэхдээ “БНАСАУ нь НҮБ-ын Аюулгүйн зөвлөлийн хоригийг үл тоомсорлосоор байна” гэсэн юм.
Тэдгээр ажиглагчид “Тус улс цөмийн зэвсгээ нэмж хөгжүүлэн, цөмийн задралын материал үйлдвэрлэсэн. Гэхдээ хамгийн сүүлд 2017 онд цөмийн зэвсгийн туршилт хийсэн” хэмээжээ.
БНАСАУ-ыг цөмийн зэвсэг турших, баллистик пуужин хөөргөхийг НҮБ-ын Аюулгүйн зөвлөлийн гаргасан шийдвэрээр урт хугацаагаар хориглосон байгаа. Тодруулбал 2006 оноос хойш Хойд Солонгос НҮБ-ын хоригт орсон юм.
Тэр цагаас хойш Аюулгүйн зөвлөл цөмийн зэвсэг хөгжүүлэх төслийг нь санхүүжилтгүй болгох зорилгоор тавьсан хоригоо чангатгасаар ирсэн. Сүүлийн үед Хойд Солонгос хакерууд криптовалютын компаниуд руу халдлага үйлдэх болсон.
Ийм учраас ажиглагчид цөмийн зэвсгийн хөгжүүлэлтдээ санхүүжилт босгохоор БНАСАУ-ын хакерууд 3 тэрбум гаруй ам.долларыг завшсан гэгдэж буй 58 цахим халдлагыг шалгаж эхэлсэн байна.
Эх сурвалж: Reuters
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
ИНТЕРНЭТИЙГ НЬ ТАСАЛЧААЧ ДЭЭ