Нийслэлийн Баянзүрх дүүрэг 26 дугаар хороо Дүнжингарав худалдааны төвийн урд зам дээр 2024.01.24-ний өдрийн 01:05 цагт газ ачиж явсан ачааны автомашин дэлбэрсэн осол гарсан.
Уг ослын улмаас 14 иргэн ГССҮТ-д хандсаны 4 нь тухайн үед эмчилгээ хийлгээд буцсан. Харин зургаан иргэн эрчимт эмчилгээний тасагт эмчлүүлж байсан юм.
Тэгвэл эдгээр хүмүүсийн биеийн байдлыг өнөөдөр /2024.02.14/ тодруулахад, “Эрчимт эмчилгээний тасагт эмчлүүлж байсан зургаан иргэний хоёр нь ар гэрийн хүсэлтээр гадагшаа эмчилгээнд явсан. Эмчлүүлж байсан дөрвөн иргэн нас барсан. Хамгийн сүүлд битүүний өдөр /2024.02.09/ нэг иргэн нас барсан. Одоо тухайн ослоос гэмтсэн хүн эмнэлэгт байхгүй” гэсэн тайлбар мэдээллийг бидэнд өглөө.
Ц.НАРАНЦАЦРАЛ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.