АНУ Украины дайн эхлээд хоёр жил өнгөрч байгаатай холбогдуулан ОХУ-тай холбоо бүхий 500 объектод хориг тавина гэж тус улсын Сангийн сайдын орлогч Уолли Адейемо хэлсэн байна.
Бусад улс орнуудтай хамтран хэрэгжүүлэх энэ хориг нь ОХУ-ын цэргийн аж үйлдвэрлэл, хүссэн барааг нь нийлүүлдэг гуравдагч орнуудын компаниудыг онилно гэж Адейемо мэдэгджээ.
ОХУ-ын эсрэг шинэ хориг тавихаас гадна АНУ нь Украинд илгээх тусламжийг батлахаар ажиллаж байгаа юм. Мэргэжилтнүүд тусламж илгээх нь хориг тавьснаас илүү ач холбогдолтой гэдгийг онцолсон байна.
Адейемо “Хоригийн арга хэмжээ болон экспортын хяналт тавих нь ОХУ-ыг удаашруулж, Украины дайнд байлдахад нь хүндрэл учруулна. Гэхдээ эцсийн эцэст Украины довтолгоог хурдасган, өөрсдийгөө хамгаалах хүчин чадлаар нь хангахын тулд Конгресс арга хэмжээ авч шаардлагатай зэвсэг нийлүүлэх хэрэгтэй байна” гэсэн юм.
Мөн АНУ-ын Үндэсний аюулгүй байдлын зөвлөх асан Петр Харрел “Украинд цэргийн тусламж үзүүлэхийн тулд Конгресс арга хэмжээ авах нь хоригтой харьцуулахад дайны фронт дээр илүү ач холбогдолтой” хэмээжээ.
Эх сурвалж: Reuters
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
ХОРИГ Ч ТАВЬ, ЗЭВСЭГЭЭР Ч ТУСАЛ ану- АА
АНУ яаж ч хичээгээд ОХУ Путинг дийлж чадахаа больсон.