Х.Нямбаатарын “Төв цэнгэлдэх”-ийн газрын наймааны үг Т.Нямдаваа, Б.Чойжилсүрэн нарыг чиглэнэ

Баасан гарагт /2024.02.23/-нд Хотын дарга Х.Нямбаатар “Төв цэнгэлдэх хүрээлэн 388га газартай байсан. Хувьчилж авсан этгээд 300га нь ойр дотны хүмүүстээ зараад идчихсэн. Тэр газрыг зарсан мөнгөнөөс нэг ч төгрөг төсөвт орж ирээгүй. Эсрэгээрээ, жил бүр нийслэлээс засвар үйлчилгээ хийсэн мөнгөн дээр нэг ч хувь нэмэрлээгүй” хэмээсэн юм.

Тэгвэл уг цэнгэлдэх хүрээлэнгийн 51 хувийг "Төв цэнгэлдэх хүрээлэн" ХХК эзэмшээд 20 орчим жил болж байна. Хувьчлах үйл явц 1993 онд болсон. Тухайн үед нийслэлийн Өмч хувьчлалын комиссын шийдвэр гарч, 49 хувийг нь хувь хүнд шилжүүлж, 51 хувийг нь улсын мэдэлд үлдээжээ. Гэтэл НИТХ хууль бус тогтоол үйлдэж, хоёр хувийг нь Ж.Жанцан гэх иргэнд зарсан байна. Өдгөө эзэмшигч нь ах, дүү Т.Нямдаваа нар. Өөрөөр хэлбэл, ах Т.Нямдаваа нь Төв цэнгэлдэх хүрээлэнгийн 51 хувийг эзэмшдэг бол дүү Т.Нямдаваа нь тус компанийн гүйцэтгэх захирлаар ажилладаг аж. Гэхдээ наадам бүрээр төр засвар, арчилгааг нь хийдэг. Бусад үед болдог тоглолтын ашгийг нь ах, дүү Т.Нямдаваа нар хүртдэг шударга бус зүйл тогтоод удаж байна.

Уг нь Д.Сумъяабазар Хотын дарга байхдаа “Ийм луйвар байж болохгүй. Ажлын хэсэг байгуулж, шалгалт оруулах хэрэгтэй” гэж байсан ч, таг чиг. НЗДТГ-аас шүүхэд хандаж, маргалдана гэдэг ч чимээ сураггүй.

Хотын даргын хэлснээр Төв цэнгэлдэх орчмын газрын эзэмшигчид хэн бэ? гэдэг нь анхаарал татав.

Эхнийх нь,

“Том” Т.Нямдаваагийн хүү Н.Булганбаатарын “Мөнхсан” ХХК 2019 онд  961м2 газар авч, “MSN building” оффис барьжээ. 2021 онд дахиад 7995 м2 буюу 0.7 га газар авчээ.

Удаах нь,

Эрчим хүчний сайд Б.Чойжилсүрэн үү. Тодруулбал, Б.Чойжилсүрэн эхлээд “Төв цэнгэлдэх хүрээлэн”-гийн талд түүний “Рапид харш” хороолол, баруун талд эхнэр Д.Энхгэрэлийнх нь “Наадам центр” худалдаа, үйлчилгээний барилга. Баруун урд талд нь 780 айлын “Цэнгэлдэх” хотхон сүндэрлэсэн.

Гурав дахь нь,

Төв цэнгэлдэхийн зүүн талд хотын дарга асан Ц.Батбаяр газар авч, “М Ойл”-д зарснаар “Глобал таун” хотхон сүндэрлэсэн гэдэг.

Цааш нь,

Мөн Даян аварга А.Сүхбат 600 ам.метр, 1.2 га газарт дуучин Д.Оюунтүлхүүр өмчлөх эрх авсан гэх мэдээлэл тухайн үед хөвөрч байв.

Энэ мэдээнд өгөх таны үнэлгээ

Хуваалцаарай Жиргээрэй