ЭДИЙН ЗАСАГЭдийн засгийн мэдээ

“Steppe Gold” компани “Бороо Гоулд”-ыг 100 хувь худалдаж авах гүйлгээ энэ сарын 18-нд хийгдэнэ

Монголд 2004 оноос хойш алт олборлосон “Бороо Гоулд” компанийг “Steppe Gold” 100 хувь худалдан авахаар тохиролцсон байна.

“Бороо гоулд”-ын Сэлэнгэ аймаг дахь үйл ажиллагаа 2017 он хүртэл үргэлжлээд ерөнхийдөө зогссон. Сүүлийн жилүүджд уул уурхайн томоохон төсөл хэрэгжүүлэгчдийн дунд “Бороо гоулд” дурдагдаж, яригдахаа болиод буй.

Тэгвэл үнэт метал үйлдвэрлэлийн тэргүүлэгч компани “Steppe Gold” нь “Бороо Гоулд”-ын бүх энгийн хувьцааг худалдаж авахаар тохиролцсон тухайгаа өнгөрсөн нэгдүгээр сарын сүүлээр мэдээлжээ.

Одоогоор “Бороо Гоулд”-ын улсын бүртгэл дэх мэдээлэлд “Steppe Gold” орж ирээгүй байна.

“Steppe Gold”-ийн тухайд, Торонтогийн хөрөнгийн биржид хувьцаа гаргасан монгол компани. 2018 оноос эхлэн Баянхонгор аймаг дахь “Алтан цагаан овоо” орд дээр хайгуул хийж, улмаар алт олборлох болсон байдаг.

Бороогийн уурхай 2017 он хүртэл 50 тонн алт олборлосон мэдээтэй. Толгой хөрөнгө оруулагч нь анх Сингапурын компани байсан. Өдгөө улсын бүртгэлд Недерландын компани дээр бүртгэлтэй байна. Иймд “Steppe Gold” нь “Бороо гоулд”-ыг гадаадын хөрөнгө оруулагчаас нь худалдаж авах тохиролцоонд хүрчээ.

“Steppe Gold”-оос гаргасан албан мэдээг сонирхуулъя.

“Steppe Gold Ltd” нь шууд эсвэл охин компаниар дамжуулан “Boroo Gold LLC”-ийн гаргасан болон эргэлтэд байгаа бүх энгийн хувьцааг худалдаж авах заавал биелүүлэх нөхцөлийн хуудаст нэгдсэн гэдгээ мэдээлэхэд таатай байна. 

Гүйлгээний онцлох агуулга:

“Boroo Gold” нь жилд дунджаар 60,000 унц алт олборлодог, уурхайн ашиглалтын хугацаа нь 2030 оноос цааш үргэлжлэх тэргүүлэх алтны үйлдвэр.

AТО алтны уурхайн 2-р шатны өргөтгөлийг багтаасан ойрын хугацаанд жилдээ 200,000 унц алт олборлох зорилготой Монголын тэргүүлэгч алт үйлдвэрлэгчийг үүсгэнэ.

Гүйлгээг гүйцэтгэх үед “Steppe Gold”-ийн жилийн олборлолт 30,000 унцаас 90,000 унц болох төлөвтэй.

“Steppe Gold” компанийн АТО алтны уурхайн 2-р шатны өргөтгөл ашиглалтад орсноор 2026 онд нийт алтны олборлолтын хэмжээ ойролцоогоор 160,000 унц болох төлөвтэй.

Санал болгосон гүйлгээ нь “Steppe Gold”-ийн суурь нөөцөд 4,000,000 унц AuEq (Алтны Эквивалент)нэмэх төлөвтэй байна.

Санал болгосон гүйлгээ биелсний дараа “Boroo”компанийн талд Перу дахь “Tres Cruces” алтны төслийг зах зээлийн үнээр худалдаж авах анхны эрхтэй болно.

Санал болгосон гүйлгээний мэдээлэл:

Нөхцөлийн хуудасны дагуу санал болгосон гүйлгээ биелэх үед “Steppe Gold” нь “Boroo Gold” компанийн бүх энгийн хувьцааг худалдаж авна. Санал болгосон гүйлгээ нь 2024 оны 3-р сарын 18-нд дуусах онгоц эрхийн хугацаанд (хоёр тал сунгах боломжтой) хийгдэх хэлэлцээрээс үүсэх эцсийн тохиролцоонд хамаарна.

Эцсийн тохиролцоонд хэлцлийн хамгаалалт, тодорхой нөхцөлийг гуйвуулахгүйг баталсан гэрээ, зардлын нөхөн төлбөрийг багтаасан байх ёстой. Мөн “Steppe Gold” “Boroo PL” компанид бүртгэлийн тодорхой эрхийг олгоно.

Нөхцөлт хуудаст орсон талууд нь санал болгосон гүйлгээг Торонтогийн хөрөнгийн биржийн журам, үнэт цаасны холбогдох хууль тогтоомжтой нийцүүлэх байдал дээр хамтран ажиллаж, шаардлагатай аливаа албан ёсны үнэлгээ болон хэрэгцээтэй тохиолдолд мэргэшсэн, хараат бус үнэлгээчнээр зохих журмын дагуу үнэлүүлэх болно. 

Мөн нөхцөлт хуудас нь “Boroo PL”-ийг “Steppe Gold”-ийн хоёр захирлыг нэр дэвшүүлэх эрхтэй байх ба “Steppe Gold” компанийн гол гүйцэтгэх удирдлага хэвээр үлдэхийг тусгаж өгсөн. Санал болгосон гүйлгээг дуусгасны дараа “Steppe Gold” нь “Boroo Gold” компанийн цорын ганц хувьцаа эзэмшигч болно.

Санал болгосон гүйлгээний ашиг тус:

Санал болгосон гүйлгээ нь “Steppe Gold” компанийн хувьцаа эзэмшигчдэд дараах үр өгөөжийг өгнө гэж үзэж байгаа:
2024, 2025 онд жилд олборлох алтны хэмжээ 30,000 унцаас 90,000 унц болж 2026 онд 160,000 унц болно.

АТО алтны уурхайн 2-р шатны өргөтгөлийн өр болон төслийн санхүүжилтэд үйлчлэх сайн мөнгөн урсгал, санхүүгийн чадавхыг нэмэгдүүлнэ.

Монгол дахь хайгуулын хөтөлбөрүүдэд санхүүжилт босгож, өөр компаниудыг нэгтгэх боломж үүсгэнэ.

Перу дахь Tres Cruces алтны төслийн сонголт нэмэгдэнэ.

Монголд хүчирхэг суурьтай, төвлөрсөн олон хөрөнгөтэй үйлдвэрлэгчийг бий болгоно.

Г.САНСАРМАА

Энэ мэдээнд өгөх таны үнэлгээ
Like
Love
Haha
Wow
Sad
Angry

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

guest
3 Сэтгэгдэл
Хуучин
Шинэ Шилдэг
Inline Feedbacks
View all comments
Зочин
Зочин
2024-02-27 10:21

"Бороо гоулд"-ын ажил сэргэвэл Зүүнхараагийн ард иргэдэд маш чух�##� ач холбогдолтой!! Гадаадын хөрөнгө оруул�##�ттай компанийг хий хоосон харааж гүтгэж хөөж туухын оронд хян�##�таа сайн тавиад ажиллуулах нь бидэнд ашигтай!!!

Балт
Балт
2024-02-27 19:28

Бороогоулдыг дэлбэлэх хэрэгтэй

Good
Good
2024-02-27 20:45

Sain medee bn! Mongolchuud hamtdaa huchtei!!!

Холбоотой мэдээ

Back to top button