“37-р Точка”-гийн дүрүүдийг хөзрөнд мөнхлөв

-“37­Р ТОЧКА” ТЕЛЕВИЗИЙН ЦУВРАЛ КИНОНЫ ХОЁРДУГААР БҮЛЭГ 2020 ОНД ҮЗЭГЧДИЙН ХҮРТЭЭЛ БОЛНО-

“Фантастик” продакшны бүтээл, телевизийн олон ангит “37-­р Точка”-гийн дүрүүдийг хөзрөнд буулгасан байна. Тодруулбал, ноён, хатан, боол, тамга гэсэн дөрвөн төрлийн 16 хөзөрт киноны гол дүрийн Лутаа, Тогосоо тэргүүтэй баатруудын зургийг дүрсэлжээ.

Харин нэгдүгээр хүн буюу улаан жокер дээр гавьяат жүжигчин Н.Золбоот, хоёрдугаар хүн буюу хар жокер дээр гавьяат жүжигчин Ц.Төмөрхуягийн дүрийг буулгасан байна.

Тус киноны нэгдүгээр бүлэг албан ёсоор дуусаж, хоёрдугаар бүлэг хэзээ эхлэх, ямар үйл явдал өрнөх бол гэсэн хүлээлт үзэгчдийн дунд үлджээ. “37-­р Точка” телевизийн цуврал киноны хоёрдугаар бүлэг 2020 онд үзэгч­дийн хүртээл болох юм байна.

ЭХ СУРВАЛЖ: Засгийн газрын мэдээ сонин

ЗУРГИЙГ: Цахим орчноос авч ашиглав /энд дарж үзнэ үү/

Энэ мэдээнд өгөх таны үнэлгээ

Хуваалцаарай Жиргээрэй