2022 оны арваннэгдүгээр сард дэлхийн гуравдах хамгийн том криптовалютын арилжааны платформ байсан “FTX” компани дампуурсан. Тус компанийн захирал Сэм Банкман Фридтэй холбоо бүхий шүүх хурал Нью-Йорк хотноо явагдаж дуусчээ.
Шүүгч түүнийг хөрөнгө оруулагчдаас 8 тэрбум ам.долларыг завшсан хэрэгт гэм буруутай гэж үзэж 25 жилийн хорих ял оноосон байна. АНУ-ын дүүргийн шүүгч Люьис Каплан ял оноохдоо Банкман Фрид хийсэн хэрэгтээ огт гэмшээгүй гэдгийг онцолсон юм.
Каплан “Тэр буруу юм хийж байгаа гэдгээ мэдэж байсан. Гэмт хэрэг гэдгийг нь ч мэдэж байсан. Тэр баригдах эсэх дээрээ муухан бооцоо тавьсандаа л харамсаж байгаа. Харин тэр олгогдсон эрхийнхээ дагуу буруу зүйл хийсэн гэдгээ хүлээн зөвшөөрсөнгүй” гэжээ.
Хурлын үеэр Банкман-Фрид 20 минутын турш үг хэлэхдээ “FTX”-ийн хэрэглэгчид хохирсон хэмээж мөн хамтран ажиллагсдаасаа уучлал гуйсан байна. Харин гэмт хэрэг үйлдсэн гэдгээ хүлээн зөвшөөрөөгүй юм.
АНУ-ын Ерөнхий прокурор Меррик Гарланд хурлын дараа “Хэрэглэгчид болон хөрөнгө оруулагчдыг залилах нь ноцтой үр дагавартай асуудал. Санхүүгийн гэмт хэргээ эд баялаг, эрх мэдэл эсвэл шинээр гаргаж ирж буй хэн ч ойлгож чадах хэмжээний ухаалаг биш гэж тодорхойлсон зүйлээрээ халхалж чадна гэж боддог хүмүүс анхаарах хэрэгтэй” гэжээ.
Эх сурвалж: Reuters
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Манай койны луйварчид яасан бэ Идэр-Од хаана явна.........