Р.Батсолонго: Бөөр орлуулах аппараттай болсноор жилд 70-80 хүүхдийн амь насыг аварч чадахаар боллоо
Эх Хүүхдийн Эрүүл Мэндийн Үндэсний төвийн Хүүхдийн эмнэлгийн Эрчим эмчилгээний тасаг /Хүүхдийн сэхээ/ бөөр орлуулах аппараттай боллоо. Ингэснээр жилдээ 70-80 хүүхдийн амь насыг аварч чадна гэж тус тасгийн эрхлэгч Р.Батсолонго ярилаа.
Тэрбээр “Хүүхдийн эмнэлгийн Эрчимт эмчилгээний тасаг жилд 800-1000 хүүхдэд эмчилгээ үйлчилгээ үзүүлдэг. Энэ аппаратын онцлог нь бага насны хүүхдүүдийг гавлын эрхтний дутагдал, бөөрний цочмог дутагдал, элэгний цочмог болон архаг дутагдлыг үед эмчлэгдэж байх явцад тухайн эрхтнүүдийг үргэлжлүүлэн орлуулах эмчилгээг хийхэд тустай орчин үеийн ухаалаг аппараттай болсон. Энэ аппаратыг тухайлан хэрэглэх нэг заалт юу вэ гэхээр “Олон юманд хордсон цочмог хордолтуудыг, эм химийн бодисын хордолтуудыг, бөөрний дутагдлын үед бид 10 кг-аас доош жинтэй хүүхдүүдийг аппаратаараа орлуулж чаддаггүй. Эмийн эмчилгээгээр эмчилгээ үйлчилгээ явуулдаг байсан бол энэ аппарат нь жин харгалзахгүй ач холбогдолтой. Тийм учраас бид бөөр орлуулах аппараттай болсноор жилд 70-80 хүүхдийн амь насыг аварч чадахаар боллоо" хэмээн тайлбарласан юм.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.