"Нэст эдүкэйшн" сургуулийн зургаадугаар ангийн сурагчид үндэсний бичгийн цагаан толгойн баяр хийжээ. Тодруулбал, энэ сарын 20-ны өдөр тус сургууль "Би монгол хүн" үндэсний бичиг үсгийн баярыг VI-IX ангийн сурагчдын хүрээнд зохион байгуулж, VI ангийн сурагчид монгол бичгийн үсгээ үзэж дууссан баяраа ийнхүү тэмдэглэсэн байна.
Энэхүү бичиг үсгийн баярыг зохион байгуулснаар хүүхдүүд эх хэл бичгээ зөв эзэмшиж, түүнд суралцаж, цаашид өдөр тутамдаа хэрэглэж хэвших, үндэсний онцлогоо хайрлан хамгаалж, үнэ цэнийг мэддэг болох зэрэг чухал ач холбогдолтойг тус сургууль онцолжээ. Мөн монгол бичгийн энэ үсэглэлийн баярыг 40 жилийн дараа анх удаа хийж байгаа аж.
Д.УЛСАА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Бага ангийн бяцханууд л үсэглэлийн баяр хийдэг сэн. 6-р ангийнхан бол хэрэггүй шд.