УЛС ТӨР

Чуулган: О.Машбатыг Монгол Улсын Ерөнхий прокурорын орлогчоор томиллоо

НЭМЭЛТ: 12:30 цаг

Монгол Улсын Ерөнхийлөгчийн саналаар О.Машбатыг Улсын Ерөнхий прокурорын орлогчоор томилох асуудлыг УИХ хэлэлцлээ.

Монгол Улсын Үндсэн хуулийн 56-р зүйлийн 2 дахь хэсэг, Монгол Улсын Ерөнхийлөгчийн тухай хуулийн арванхоёрдугаар зүйлийн 17 дахь хэсэг, Прокурорын тухай хуулийн 46-р зүйлийн 2 дахь хэсэг болон Монгол Улсын Ерөнхий прокурорын саналыг тус тус үндэслэн Очирсүхийн Машбатыг Монгол Улсын Ерөнхий прокурорын орлогчийн албан тушаалд томилох асуудлыг зөвшилцөхөөр өчигдөр хүргүүлжээ.

Ингээд Хууль зүйн байнгын хорооны саналаар О.Машбатыг Монгол Улсын Ерөнхий прокурорын орлогчийн албан тушаалд томилох асуудлыг дэмжсэн байна.

Харин чуулганы хуралдаанд оролцогчдын 62.5 хувийн саналаар О.Машбатыг Монгол Улсын Ерөнхий прокурорын орлогчийн албан тушаалд томиллоо.

Түүний намтар, ажлын туршлага

Очирсүхийн Машбат нь 1988-1998 онд Дорноговь аймгийн Ерөнхий боловсролын сургууль, 1998-2002 онд “Их Засаг” их сургуулийг эрх зүйч мэргэжлээр, 2002-2005 онд Санхүү, эдийн засгийн их сургуулийг бизнесийн удирдлага мэргэжлээр тус тус төгсөж, 2005-2007 онд АНУ-ын Колорадогийн их сургуульд суралцаж, хууль зүйн магистрын зэрэг хамгаалсан. Япон, Солонгос, Египет зэрэг улсад мэргэжил дээшлүүлсэн.

  • 2002-2005 онд Улсын Их Хурлын Тамгын газарт туслах ажилтан
  • 2007-2009 онд Хууль зүй, дотоод хэргийн яамны Хууль зүйн бодлогын газарт мэргэжилтэн
  • 2009-2013 онд Нийслэлийн Засаг даргын Тамгын газарт Хууль зүйн хэлтсийн дарга
  • 2014-2015 онд Монголын Хуульчдын холбоонд Ажлын албаны дарга
  • 2015-2017 онд Улсын Ерөнхий прокурорын газарт хяналтын прокурор
  • 2017-2019 онд Нийслэлийн прокурорын газарт Тамгын хэлтсийн дарга, ахлах прокурор
  • 2019-2020 онд Улсын Ерөнхий прокурорын газарт Тамгын газрын дарга, ахлах прокурор
  • 2020-2021 онд Монгол Улсын Шадар сайдын хуулийн асуудал хариуцсан зөвлөхөөр тус тус ажиллаж байсан.

Мөн Монгол Улсын Дээд Шүүхийн сахилгын хорооны гишүүнээр ажиллаж байсан. 2013 оноос одоог хүртэл Монголын Хуульчдын холбооны гишүүн, хуульч.

НЭМЭЛТ: 12:13 цаг

Чуулган: Р.Батрагчаа, Б.Болдбаатар, Ц.Цолмон нарыг ҮХЦ-ийн гишүүнээр томиллоо

Монгол Улсын Ерөнхийлөгчөөс Рагчаагийн Батрагчаа, Бямбадоржийн Болдбаатар, УИХ-аас Цэдэвийн Цолмон нарыг Үндсэн хуулийн цэцийн гишүүнээр томилуулахаар тус тус санал болгосон. Тэгвэл дөнгөж сая УИХ-ын чуулганаар хэлэлцэн дэмжиж, тэднийг ҮХЦ-ийн гишүүнээр томиллоо.

НЭМЭЛТ: 11:15 цаг

Чуулган: Р.Батрагчаа, Б.Болдбаатар, Ц.Цолмон нарыг ҮХЦ-ийн гишүүнээр томилох саналыг хэлэлцэж байна

Чуулганы эхэнд УИХ-ын дарга Г.Занданшатар өнөөдөр хэлэлцэх дарааллыг танилцуулав.

Г.Занданшатар: Монгол Улсын Үндсэн хуулийн 65 дугаар зүйлийн 1 дэх хэсэг. Үндсэн хуулийн цэцийн тухай хуулийн 3-р зүйлийн 1, 2 дахь хэсэгт заасныг үндэслэн Монгол Улсын Үндсэн хуулийн цэцийн гишүүнд Цэдэвийн Цолмонг нэр дэвшүүлэхээр Төрийн байгуулалтын байнгын хорооноос шийдвэрлэж санал, дүгнэлтээ ирүүлснийг танилцуулъя.

Монгол Улсын Үндсэн хуулийн 65 дугаар зүйлийн 1 дэх хэсэг. Үндсэн хуулийн цэцийн тухай хуулийн 3-р зүйлийн 1 дэх хэсэг, 4-р зүйлийн 2 дахь хэсгийг тус тус үндэслэн Цэдэвийн Цолмонг Үндсэн хуулийн цэцийн гишүүнд нэр дэвшүүлэх тухай асуудлыг Төрийн байгуулалтын байнгын хороо 2024 оны тавдугаар сарын 28-ны өдрийн хуралдаанаараа хэлэлцээд Ц.Цолмонг Үндсэн хуулийн цэцийн гишүүнд нэр дэвшүүлэх саналыг тус байнгын хорооны хуралдаанд оролцсон гишүүдийн олонх буюу 72.7 хувиар дэмжсэн болно.

Уг асуудлыг шийдвэрлэж өгнө үү гэж Төрийн байгуулалтын байнгын хорооноос Хууль зүйн байнгын хороонд уламжлаад Хууль зүйн байнгын хорооноос Цэдэвийн Цолмонг Монгол Улсын Үндсэн хуулийн цэцийн гишүүнээр томилуулах саналыг дэмжсэн байна.

Түүнийг нэр дэвшүүлэхдээ онол эрдэм шинжилгээний ажлын мэдлэг, туршлага, хоёр дугаарт хууль тогтоох байгууллага УИХ-д хууль тогтоох чиглэлээр ажиллаж байсан ажлын туршлага, гуравдугаарт гүйцэтгэх эрх мэдэл засгийн газар хууль зүй дотоод хэргийн яаманд хууль боловсруулах биелүүлэх чиглэлээр ажилласан ажлын туршлага, дөрөвдүгээрт шүүх байгууллагуудад ажилласан туршлагуудыг үндэслэж Үндсэн хуулийн цэцийн гишүүнд нэр дэвшүүлж байна гэв.

Үүний дараа Монгол Улсын Ерөнхийлөгчийн Үндсэн хуулийн цэцийн гишүүнээр томилох саналыг А.Үйлстөгөлдөр танилцуулав. Мөн Хууль зүйн байнгын хорооны санал дүгнэлтийг УИХ-ын гишүүн Ц.Мөнхцэцэг танилцууллаа.

Тэрбээр "Монгол Улсын Үндсэн хуулийн цэцийн гишүүдийн бүрэн эрхийн хугацаа дууссантай холбогдуулан цэцийн гишүүнээр томилуулахаар Монгол Улсын Ерөнхийлөгчөөс Рагчаагийн Батрагчаа, Бямбадоржийн Болдбаатар, УИХ-аас Цэдэвийн Цолмон нарыг Үндсэн хуулийн цэцийн гишүүнээр томилуулахаар тус тус санал болгосон.

Байнгын хороо уг асуудлыг чуулганы хуралдааны дэгийн тухай хуулийн 102-р зүйлд заасан журмын дагуу хэлэлцэж Үндсэн хуулийн цэцийн гишүүнээр томилуулахаар санал болгосон Р.Батрагчаа, Б.Болдбаатар, Ц.Цолмон нарыг хуралдаанд оролцсон гишүүдийн олонх дэмжсэн болно" гэлээ.

2024 оны тавдугаар сарын 30-ны өдрийн УИХ-ын чуулганы хуралдаан эхэллээ. Чуулганаар дараах асуудлуудыг хэлэлцэнэ.

НЭМЭЛТ: 11:00 цаг

УИХ-ын чуулганы хуралдаан эхэллээ

  • “Шүүгчийн орон тоог батлах тухай” Улсын Их Хурлын тогтоолын төсөл
  • Нийслэлийн нийтийн тээврийн парк шинэчлэх шаардлагын хүрээнд 2023 онд худалдан авсан автобусны худалдан авах ажиллагаанд хяналт шалгалт хийх үүрэг бүхий хянан шалгах түр хорооны  тайлан, санал, дүгнэлт
  • Ашигт малтмал хайх, ашиглах зориулалтаар газар, түүний хэвлийг тусгай зөвшөөрлөөр  олгох, төлбөр, татвар ногдуулах, хураахтай холбоотой үйл ажиллагаанд хяналт шалгалт хийх үүрэг бүхий хянан шалгах түр хорооны тайлан, санал, дүгнэлт, тогтоолын төсөл
  • Бусад
  • Монгол Улсын Ерөнхий сайдын мэдээлэл: Төрийн байгууллагын үйл ажиллагааны ил тод, нээлттэй байдлыг хангах, авлига, хүнд суртлыг бууруулах “Шил” ажиллагааны хэрэгжилтийн талаар
Энэ мэдээнд өгөх таны үнэлгээ
Like
Love
Haha
Wow
Sad
Angry

Д. Мөнхбат

Утга зохиол судлаач, сэтгүүлч мэргэжилтэй. МҮОНР-ийн Урлаг соёлын алба болон МҮОНТ-ийн Нийгэм, эдийн засаг, бодлогын нэвтрүүлгийн редакцад сэтгүүлчээр ажиллаж байсан. Сэтгүүл зүйн салбарт гурав дахь жилдээ ажиллаж байна.

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

guest
5 Сэтгэгдэл
Хуучин
Шинэ Шилдэг
Inline Feedbacks
View all comments
Зочин
Зочин
2024-05-30 12:19

ЭД НАР ДОТОР АЛУУРЧИН ХОРЧИН СЭТГЭЦИЙН ӨВЧТЭЙ ЭЛБЭГДОРЖИЙН ХОНГИЛЫН ШЭЭСНҮҮД БАЙНА УУ? ХОНГИЛЫГ НУРААГААД ЭЛБЭГДОРЖ ГЭДЭГ ТАХАЛЫГ УСТАГЦГААЯ ХОНГИЛООР ЧИРЭГДСЭН ӨТГӨН ШИНГЭНТЭЙГЭЭ ХОЛИЛДСОН ОЛОН ХОХИРОГЧ НАР НИЙЛЭЭД ЭЛБЭГДОРЖИЙГ ЖОРЛОНГИЙН ӨТ БОЛГОХ НОМ ХУРУУЛСАН БАС ХАЛХЫН БҮХ ЧАНГЫН ШОРОНГУУДАД ТҮМПЭН ДУУДАЖ ЖАНГАА ЗООГЛОХ НОМЫГ ХУРУУЛСАН БАЙГАА

Зочин
Зочин
2024-05-30 12:24

Үхсн буурын толгой Миеэ Энхболдоос амьд ат айж Цолмонг томилжээ.энэ чнь миеэгийн хүн

Зочин
Зочин
2024-05-30 14:17

chuulgand hereggui shud l tomildog bolooo

Зочин
Зочин
2024-05-30 19:10

Өө чааваас Машбат Их засаг төгссөн юм уу.

Зочин
Зочин
2024-05-30 20:02

Буян-Ундрах гоё нэр үү?

Холбоотой мэдээ

Back to top button