Японы Ерөнхий сайд Фүмио Кишида Хойд Солонгостой хэлэлцээ хийх тал даар туслалцаа хүсэх зорилготой наймдугаар сард Монголд айлчилж магадгүй гэх мэдээлэл Японы хэвлэлүүдээр энэ сарын эхээр явсан.
Тус улсын хэвлэлүүд 1970, 1980-аад онд Хойд Солонгосын тагнуулууд хулгайлсан Япон иргэдийг буцааж авчрах хэлэлцээг урагшлуулахын тулд Кишида Монголд айлчилж магадгүй гэж мэдээлсэн юм.
Пёньянтай ямар ч дипломат харилцаагүй Япон Хойд Солонгостой хэлэлцээ хийхдээ Монгол Улсаар зуучлуулдаг. Монгол Улс 2012 онд Япон, БНАСАУ-ын хооронд дээд түвшний яриа хэлэлцээ зохион байгуулсан туршлагатай.
Тэгвэл “Kyodo News” агентлаг Монгол Өмнөд Солонгостой ойр харилцаатай болсон тул Япон Монголоор дамжуулж Хойд Солонгостой хэлэлцээ хийх нь бүтэлгүйтсэн тухай нийтлэл оруулжээ.
Энэ сарын 6-7-ны хооронд болсон “Ulaanbaatar Dialogue” арга хэмжээнд хэлэлцээ хийх санал Япон Хойд Солонгост тавьсан байна. Гэвч Хойд Солонгос саналыг хүлээн аваагүй аж.
“Kyodo News” саналыг хүлээн аваагүй шалтгаан нь Монгол Өмнөд Солонгостой харилцаагаа ойртуулсантай холбоотой байж магадгүй гэх утга агуулгатай нийтлэлээ бичсэн байна.
Тус нийтлэлд БНСУ-тай харилцаа нь ойртсон талаар онцолж “Улаанбаатарын төвд CU, GS25 гэх Өмнөд Солонгосын хоёр томоохон сүлжээ дэлгүүрүүд бий” хэмээжээ.
Эх сурвалж: MSN
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Энэ 2 сүлжээ дэлгүүрийн бараа харьцангүй үгэтэй юм бн�##�ээ !!!
Энэ хоёр сүлжээ дэлгүүр үйлчилгээний соёл гэж юу байдгийг Монголд нэвтрүүлж байна.