АНУ-ын ерөнхийлөгчийн сонгууль нэр дэвшигч Доналд Трамп бямба гарагт /2024.07.14/ Пенсильвани мужид сонгуулийн кампанит ажлаа хийж явахад нь нэгэн этгээд түүн рүү гал нээсэн хэрэг гарсан.
Тус хэргийг АНУ-ын Холбооны мөрдөн байцаах товчоо амийг нь хөнөөх оролдлого гэж мэдэгдсэн юм.
Тэгвэл АНУ-ын түүхэнд бусдын гарт амиа алдаж эсвэл хөнөөх оролдлогоос амь гарч байсан ерөнхийлөгч нарыг харцгаая.
Амиа алдсан
АНУ-ын түүхэнд дөрвөн ерөнхийлөгч бусдын гарт амиа алдаж байсан.
Абрахам Линколн: 1865 онд Вашингтон хот дахь Фордын театрт Жон Вилкус Бутын гарт амиа алдсан.
Жеймс Гарфилд: 1881 онд Вашингтон хотод галт тэрэгний буудалд буудуулж, хоёр сар хагасын дараа шархаа даалгүй нас барсан.
Уильям МакКинли: 1901 онд Нью-Йоркийн Буффало хотод амиа алдсан.
Жон Ф.Кеннеди: 1963 онд Техас мужийн Даллас хотод явж байхдаа Ли Харви Освальдад буудуулсны улмаас амь үрэгдсэн.
Хөнөөх оролдлогоос эсэн мэнд гарсан
АНУ-ын түүхэнд гурван ерөнхийлөгч амийг нь хөнөөх оролдлогоос эсэн мэнд гарч байсан юм.
Теодор Рузвельт: 1912 онд Милуоки хотод сонгуулийн кампанит ажил хийж байхдаа цээжиндээ буудуулаад амь гарсан.
Жералд Форд: 1975 гурван долоо хоногийн зайтай хоёр ч хөнөөх оролдлогоос эсэн мэнд гарсан.
Роналд Рейган: 1981 онд Вашингтон хотын Хилтон зочид буудлын өмнө буудуулаад амь гарсан.
Эх сурвалж: Reuters
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Америк маягийн ардчил�##� ...
Амёрик юм чинь аргагүй ээ
2007 онд Жорж Буш буудуулж нас барсан