Улсын начин Ө.Батзул зуурдаар таалал төгсжээ

Улсын начин Ө.Батзул зуурдаар таалал төгсжээ. Тэрээр Ардын хувьсгалын 100, 101 жилийн түүхт ойн баяр наадамд урамтай сайхан барилдаж улсын начин цол хүртсэн. Түүнийг бөхийн хорхойтнууд, монгол түмэн “бүжиглэдэг начин” гэдэг нэрээр нь сайн таньдаг, мэддэг байв.

Түүний хувьд хоёр настайдаа эгчтэйгээ хамт “Энэрэл” асрамжийн газар очиж, 18 насандаа өрх тусгаарлан гарсан. Энэ тухайгаа хоёр жилийн өмнө манай сайтад ярилцлага өгөхдөө,

“Анх 1996 онд хоёр настай хүү эгчийнхээ хамт Эрдэнэт үйлдвэрийн харьяа "Энэрэл" асрамжийн газар очиж 18 нас хүрээд өрх тусгаарласан байдаг юм. 

Хүний амьдрал дандаа дардан байхгүй шүү дээ. Харин ээж минь Шар хадны эмнэлэгт хэвтэн эмчлүүлдэг. Би байнгын эргэж тойрдог юм. Ямартай ч ээжийгээ эмчлүүлээд, эмнэлгээс гаргаад Эрдэнэт хотдоо байшин барьж амьдруулах чин хүсэлтэй. Ээждээ маш их хайртай. Намайг эрүүл саруул, бие бүтэн төрүүлсэнд баярлах хэрэгтэй шүү дээ. Сая баяр наадмын бэлтгэл сургуулилалт гээд очилгүй бага зэрэг удсан байна. Ээж дээрээ удахгүй очно оо.

Гэхдээ миний ээж 100 хувь эдгээд эрүүл саруул болохгүй ч гэсэн ийм сайхан хүү төрүүлснээ хараад сэтгэл нь дэвтэх байх л гэж боддог. Ээждээ хүү нь хязгааргүй их хайртай шүү гэдгийг хэлэхийг хүсэж байна. 

Миний эгчийн хувьд гэр бүл зохиогоод сайхан амьдарч байна. Харин охин дүүтэйгээ хоёр жилийн өмнө уулзсан. Японд эмчийн их сургуулиа төгсөөд ирсэн. Одоо ажиллаж хөдөлмөрлөөд явж байгаа” хэмээн ярьж байв.

Энэ мэдээнд өгөх таны үнэлгээ

Хуваалцаарай Жиргээрэй