БНХАУ-ын сансрын алба тавдугаар сард Чанъэ-6 хөлгөө сар луу хөөргөсөн. Чанъэ-6 зургаадугаар сарын эхэнд сарны цаад талд газардсан анхны хөлөг болсон юм.
Тус хөлөг саран дээрээс дээж амжилттай цуглуулж, зургаадугаар сарын 25-нд дэлхий дээр газардсанаар БНХАУ сарны цаад талаас дээж авчирсан анхны улс болсон билээ.
Хятад эрдэмтэд дээжийг судлах үедээ нэгэн гайхалтай зүйл илрүүлсэн нь усны молекул байв. Тэдний судалсан сорьцны 41 хувь нь ус байсан юм. Мөн аммиакийн бага зэрэг агууламж байсан нь усны молекулыг сарны эрс тэрс нөхцөл байдал дээр тогтвортой хадгалахад тусалсан гэж эрдэмтэд үзжээ.
Өмнө нь НАСА болон Энэтхэгийн сансрын хөлгүүд сарны гадарга дээр ус байгааг илтгэсэн баримт илрүүлж байсан.
Харин энэ удаагийн нээлт нь биет сорьцоос усны молекул анхны удаа илрүүлсэн гэдгээрээ өөр хэмээн эрдэмтэд үзэж байна. Мөн хамгийн гол нь эрдэмтэд ус байх боломжгүй гэж боддог байсан сарны цаад талаас олдсон нь чухал нээлт.
Эх сурвалж: CNN
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.