Сансарт задарсан Хятад пуужин 700 гаруй хэлтэрхий үүсгэсэн тул дэлхийн тойрог зам дахь мянга гаруй хиймэл дагуул, бусад объектыг мөргөлдөх эрсдэлд оруулсан байна.
Өнгөрсөн долоо хоногт БНХАУ-ын төрийн өмчит Shanghai Spacecom Satellite Technology (SSST) компани 18 ширхэг интернэт сүлжээ цацах хиймэл дагуул хөөргөжээ.
Тэдгээр хиймэл дагуулуудыг тойрог замд оруулсан пуужин ачаагаа салгасныхаа дараа удалгүй дэлбэрсэн юм. Одоогийн байдлаар пуужин ямар нэгэн объекттой мөргөлдсөний улмаас эсвэл дотоод дэлбэрэлтээс болж задарсан эсэх нь тодорхойгүй байна.
Сансар дахь хог хаягдлуудыг бүртгэдэг Америк фирмүүд дунджаар 700 гаруй хэлтэрхий илрүүлээд байгаа юм.
Харин “LeoLabs” нэртэй компани хэлтэрхийн тоо 900 давж магадгүй гэж мэдээлсэн байна. Харин “Slingshot Aerospace” компанийн стратеги хариуцсан дэд ерөнхийлөгч Одри Шаффер 1,100 гаруй хиймэл дагуул болон бусад объект мөргөлдөх эрсдэлд орсон гэжээ.
Өмнө нь 2022 онд БНХАУ-ын Long March 6A пуужин сансарт эвдэрсний улмаас олон зуун хэлтэрхий үүссэн юм. Тус явдлыг барууны орнууд шүүмжилж, Бээжин ашигласан пуужингаа хэрхэн устгахаа хянах ёстой гэсэн байдаг.
Эх сурвалж: Reuters
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Инээдтэй хужаа нар сансар эзэмших нь хаа ч юм..
Хятадууд чанартай юм хийж чадахгүй л бн!!!
С