Өмнөд Солонгост ковид-19-ийн халдварын тохиолдол нэмэгдэж байгаа тул засгийн газар нь вакцинжуулалтыг үргэлжлүүлэх болсон байна.
Ням гарагт /2024.08.11/ тус улсын эрүүл мэндийн албан тушаалтнууд мэдээлснээр сүүлийн хэдэн долоо хоногт коронавирусийн шинэ хувилбар болох KP.3-ын улмаас эмнэлэгт хэвтэн эмчлүүлж буй өвчтөнүүдийн тоо эрс нэмэгджээ.
БНСУ-ын Өвчний хяналт, урьдчилан сэргийлэх агентлагаас (KDCA) гаргасан мэдээллээр бол ковидийн улмаас эмнэлэгт хэвтэж буй хүмүүсийн тоо долоодугаар сарын хоёр дахь долоо хоногт 148 байсан бол наймдугаар сарын эхний долоо хоногт 861 болсон байна.
Одоогийн байдлаар нийт ковидийн тохиолдлын тоо тодорхойгүй байгаа юм. Гэхдээ энэ сарын эхний долоо хоногт амьсгалын замын эмгэг төрүүлэгчдийн 39.2 хувийг коронавирус эзэлжээ.
Долоодугаар сарын хоёрдугаар долоо хоногт энэ тоо 13.6 хувь байсан юм. Ийм учир тус улс аравдугаар сард KP.3 төрөлд зориулж бүтээсэн вакцинаар дархлаажуулалт хийх болсон аж.
“KDCA” амьсгалын замын халдвар нэмэгддэг өвлөөс өмнө иргэдийг ковид болон томуугийн вакцин хийлгэхийг уриалжээ.
Эх сурвалж: Korea Times
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Наад ковид чинь одоо өвчин биш. Ёстой нөгөө хамрын ханиад л байх. Бүү шүржигнэ солонгосчууд аа! Монголоос тарган хонины өөх сүүл захи�##�ж идэцгээ. Наад х�##�уун ногоотой гоймон гэх хороо больцгоо.
Ямар ч тохиолдолд вакцин хийлгэж болохгүй шүү!!!