Алдарт хөлбөмбөгч Кристиано Роналдо лхагва гарагт /2024.08.21/ өөрийн албан ёсны Youtube сувгаа нээсэн юм.
Тэрбээр хуудсаа нээснээс 90 минутын дотор нэг сая захиалагчтай болж хамгийн хурдан хугацаанд нэг сая захиалагч хүрсэн рекордыг эвдсэн.
Тэгвэл Роналдо 24 цагийн дотор 20 сая захиалагчтай болж дахин нэг рекордыг эвдсэн байна.
Одоо түүний суваг 28 сая захиалагчтай байгаа юм. Роналдо суваг дээрээ хоёр өдрийн дотор 19 бичлэг тавьсан нь нийтдээ 121 сая үзэлт авчээ.
Youtube дээрх хамгийн их захиалагчтай хуудас бол MrBeast юм. Одоогийн байдлаар MrBeast суваг 311 сая захиалагчтай байна.
Роналдогийн бусад сошиал хаягууд ч гэсэн олон сая дагагчтай. Тэрбээр Facebook дээр 170 сая, X дээр 112.6 сая, Instagram дээр 636 сая дагагчтай юм.
Эх сурвалж: UNILAD
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.