ДАТАГРАФИКЭДИЙН ЗАСАГ
Дата: Барилгын хөгжлийн төв 60 саяар салбарын тэргүүний 4000 тэмдэг худалдаж авна
Барилгын хөгжлийн төвөөс 60 сая төгрөгөөр салбарын тэргүүний тэмдэг худалдан авах тендер зарлажээ. Тухайн тендерийн төсөвт өртгийг тус байгууллага өөрийн хөрөнгөөр санхүүжүүлж байгаа юм байна.
Төсөвлөсөн өртөгөөр,
- Барилгын тэргүүний ажилтан тэмдэг - 2500
- Нийтийн аж ахуйн тэргүүний ажилтны тэмдэг -1500
- Үнэмлэхний гэр - 4000
- Тэмдэг хийх хайрцаг - 4000 ширхгийг худалдан авахаар төлөвлөжээ.
Уг тендерийг энэ сарын 02-ны өдөр зарласан бөгөөд холбогдох материалыг есдүгээр сарын 10-ны өдрийн 09.00 цаг хүртэл хүлээн авах аж.
Тухайн тендерт одоогоор ТЭЗҮ-ийн тодорхойлолт байхгүй харин тендерийн баримт бичигт дараах тодорхойлолтыг тусгасан байна. “Барилгын тэргүүний ажилтан тэмдэг” бүтээгдэхүүнд тавигдах ерөнхий шаардлагыг
- Их биеийг бэлэг дурсгалын бүтээгдэхүүн хийх зориулалтын гуулиар хийж, мөнгөлөг өнгөөр өнгөлгөө хийх ба тодорхой дүрсүүдийг өнгөөр ялгаж будсан байна.
- Тэмдэгний дээд хэсэгт тусгаар тогтнол, бүрэн эрхт байдлыг билэгдсэн алтан соёмбо, доод хэсэгт алтлаг шар өнгөөр тариан түрүүг товойлгож хийнэ.
- Тэмдэгний голд хөх тэнгэрийг бэлэгдэж цэнхэр өнгийн суурийг товойлгон хийх ба “Тэргүүнийн барилгачин” босоо монгол бичгээр бичнэ.
- Тэмдэгний ард талд БХБЯ-2024, доод талд нь 1-2500 гэсэн тоог тэмдэгний тоогоор дугаарлаж лазераар шивнэ
- Тэмдэгний хэмжээ: 45*25 мм - Соёмбоны хэмжээ: 15*8 мм
Харин “Нийтийн аж ахуйн тэргүүний ажилтан тэмдэг” бүтээгдэхүүнд тавигдах ерөнхий шаардлагыг
- Их биеийг бэлэг дурсгалын бүтээгдэхүүн хийх зориулалтын гуулиар хийж, мөнгөлөг өнгөөр өнгөлгөө хийх ба тодорхой дүрсүүдийг өнгөөр ялгаж будсан байна.
- Тэмдэгний дээд хэсэгт тусгаар тогтнол, бүрэн эрхт байдлыг билэгдсэн алтан соёмбо, доод хэсэгт алтлаг шар өнгөөр тариан түрүүг товойлгож хийнэ.
- Тэмдэгний голд хөх тэнгэрийг бэлэгдэж цэнхэр өнгийн суурийг товойлгон хийх ба “Тэргүүнийн ажилтан” босоо монгол бичгээр бичнэ.
- Тэмдэгний ард талд БХБЯ-2024, доод талд нь 1-1500 гэсэн тоог тэмдэгний тоогоор дугаарлаж лазераар шивнэ
- Тэмдэгний хэмжээ: 45*25 мм
- Соёмбоны хэмжээ: 15*8 мм байхаар заасан байна.
О.ОНОН
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.