Алдарт хөлбөмбөгч Кристиано Роналдо 900 гоол оруулсан анхны тамирчин болж, рекорд тогтоожээ. Тэрбээр Европын хөлбөмбөгийн холбооны үндэстнүүдийн лигийн хэсгийн шатанд Хорватын эсрэг тоглохдоо энэхүү амжилтыг тогтоосон байна.
Ballon d’Or шагналын таван удаагийн эзэн тэрбээр тоглолтын эхний хагасын 34 минутад Нуно Мендесийн өгсөн дамжуулалтыг гоолджээ. Роналдогийн оруулсан гоол Португалын багт 2:1 харьцаатай ялалт авчирсан юм.
Энэ гоол нь Роналдо Португалын шигшээгийн багт тоглохдоо оруулсан 131 дэх гоол нь болсон байна. Үүн дээр нэмэгдээд хөлбөмбөгийн клубүүдэд тоглохдоо тэрбээр 769 гоол оруулсан тул албан ёсны тоглолтод 900 оноо авсан анхны тамирчин болж түүх тогтоолоо.
Тоглолтын дараа Роналдо “Associated Press” агентлагт “Миний хувьд маш чухал ач холбогдолтой зүйл. Удаан хугацаанд хүрэхийг хүссэн амжилт минь, би энэ тоонд хүрнэ гэдгээ мэдэж байсан” гэжээ.
Нийт гоолын тоогоор Роналдогийн урт цагийн өрсөлдөгч Лионель Месси 842 оноотойгоор хоёрт ордог. Харин гуравт домог Пеле 765 гоолтой жагсдаг байна.
Эх сурвалж: CNN
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Хөөе сэтгүүлч ээ мэдлэггүйгээ битгий гайхуул Рон�##�догоос өмнө агуу Пеле 1000 гоол хийцэн юм Энэ эрхэм 900 го�##�ыг �##�гасаад 1000 го�##� хийсэн хэрэг үү ҮГҮЙ л бхгүй юу даа
Пеле 1279 гоолтой