Дэлхийн шатрын 45 дахь олимпиадад оролцохоор Унгар улсыг зорьсон Монголын баг тамирчдаас сайхан мэдээ ирлээ.
Манай эмэгтэй шатарчид өчигдөр эхний өрөгтөө Гватемал улсын багийг 4:0 харьцаагаар буулган авсан. Харин хоёр дахь өрөгтөө Монако улсын багтай өрсөлдөж 3:1 харьцаагаар хожлоо авлаа.
Эмэгтэй шигшээ багийн бүрэлдэхүүнд дэлхийн гранд мастер Т.Мөнхзул, Д.Номин-Эрдэнэ, ОУХМ Б.Мөнгөнтуул, ОУШХ-ны мастер Э.Хүслэн, Б.Мөнгөнзул нар явжээ. Харин эрэгтэйчүүдийн шигшээ багийн бүрэлдэхүүнд ОУХМ Г.Амартүвшин, С.Чингүүн, ОУШХ-ны мастер Э.Баасансүрэн, М.Амилал, Х.Итгэлт нар багтаж байна.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.