Хоёр удаагийн Оскарын шагналт жүжигчин Jodie Foster карьерийнхаа түүхэн дэхь анхны Emmy-гийн шагналыг хүртжээ. АНУ-ын 76 дахь удаагийн Emmy-гийн шагнал гардуулах ёслол өчигдөр болж өнгөрсөн билээ.
Түүний тоглосон “True Detective: Night Country" цувралын дүрээр Emmy-гийн наадмын "Шилдэг гол дүр"-ийн шагналыг хүртсэн байна. Шагналаа гардаж байх үедээ тэрбээр "Үнэхээр сэтгэл хөдөлгөсөн мөч байна. Яагаад гэвэл "True Detective: Night Country бол миний хувьд үнэхээрийн гайхалтай туршлага болж өгсөн. Миний найдвартай ар тал, хамтрагч Kali Reis-т маш их талархаж байна" гэсэн юм.
“True Detective: Night Country" цуврал нь өнөөдрийн байдлаар нийт 4 улирал гарч, үзэгчдийн хүртээл болоод байгаа бөгөөд кино сонирхогчдын IMDB сайтаас 8.9 үнэлгээг авчээ.
Т.БАТСҮРЭН
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.