NBA-ын Hall of Fame-д нэрээ мөнхөлсөн домогт тамирчин Дикембе Мутомбо даваа гарагт /2024.09.30/ тархины хорт хавдрын хүндрэлийн улмаас нас барсан байна. Тэрээр NBA-ын бүх оддын тоглолтод найман удаа оролцож, лигийн шилдэг хамгаалагчаар дөрвөн удаа тодорч байсан юм.
18 жилийн турш лигт тоглохдоо тэр таван улирал дараалж блокоор тэргүүлсэн байна. Мутомбо сагсан бөмбөгийн замналаа дуусгахдаа NBA-ын бүх цаг үеийн блокийн жагсаалтад хоёрт бичигдсэн юм.
2 метр 18 см өндөр тэр Бүгд Найрамдах Ардчилсан Конго улсад 1966 онд төрсөн байна. Мутомбо 1987 онд Вашингтоны Жоржтауны их сургуульд тэтгэлгээр суралцаж, хоёрдугаар курстээ сагсан бөмбөгийн багт элссэнээр алдар нэрд гарсан юм. Тэрээр 1991 оны NBA-ын драфтад нэрээ оруулахад Denver Nuggets баг сонгон авч байжээ.
Nuggets-ээс гадна тэр Atlanta Hawks, Philadelphia 76ers, New Jersey Net, New York Knicks болон Houston Rockets багт тоглосон юм. Сагсан бөмбөгөөс гадуур тэр хүмүүнлэгийн ажилд хувь нэмэр оруулдаг байснаараа алдартай. 1997 онд Мутомбо Конгод амьдралын чанарыг сайжруулах зорилготой Дикембе Мутомбо санг байгуулж байсан юм.
Эх сурвалж: CNN
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.