Л.Бямбасүрэнд авилга өгсөн гэх “Гэгээн манал”, “Нандин ухаан” эмнэлгийн захирал эгч дүүсийг шалгаж эхэллээ

Эрүүл Мэндийн Даатгалын Ерөнхий Газрын /ЭМДЕГ/ дарга асан Л.Бямбасүрэн нарыг Авилгатай Тэмцэх Газраас цагдан хорьж шалгалт эхлүүлсэн тухай бид өмнө нь мэдээлсэн. 

Тухайн хүмүүс нэр бүхий эмнэлгийн удирдлагуудаас авлига авсан, хясан боогдуулах замаар худал бичилт хийж байсан гэх үндэслэлээр АТГ есдүгээр сарын 16-нд саатуулсан. Улмаар хоёр хоног уагдан хориод есдүгээр сарын 19-нд суллаж, гадуур шалгаж эхэлсэн билээ. Тэрбээр 2020 оны есдүгээр сард тус агентлагийн даргаар томилогдож байсан юм.

Л.Бямбасүрэн нар хувийн болон улсын эмнэлгээс даатгалаар олгох ёстой мөнгөнөөс хувь нэхэж, өвчтөний тоогоор олгох ёстой мөнгийг хуурамчаар ихэсгэсэн байна. Мөн хясан боогдуулах замаар дөрвөн удаагийн үйлдлээр хувь авч байсныг таван сарын хугацаанд хянаж, өчигдөр буюу 2024 оны есдүгээр сарын 17-ны өдөр үйлдэл дээр нь барьсан.

Энэ хэрэгт ЭМДЕГ дарга асан Л.Бямбасүрэн, ЭМДЕГ-ын нэхэмжлэлийн хяналтын хэлтсийн дарга А.Төвшин, Баянзүрх дүүргийн ЭМДГ-ын чанарын албаны дарга С.Ундрам, ЭМДЕГ-ын Нэхэмжлэлийн эмнэлзүйн хяналтын мэргэжилтэн Б.Номинсувд нар холбогдсон.

Тэднийг 30 хоногийн хугацаагаар цагдан хорих таслан сэргийлэх арга хэмжээ авахаар шийдвэрлэсэн ч есдүгээр сарын 17-19 хооронд цагдан хориод батлан даалтад гаргачихсан. Одоогоор гадуур шалгагдаж буй.

-Тус дөрвөн этгээдэд хилийн хориг тавьж гадуур шалгалтыг үргэлжлүүлж байна-

Тухайн хүмүүст холбогдох хэргийн талаар Баянзүрх дүүргийн Шүүхээс тодруулахад, "Прокуроорын газраас тус хэрэгт холбоотой дөрвөн хүнийг шалгуулахаар илгээсэн. Харин ЭМДЕГ-ын нэхэмжлэлийн хяналтын хэлтсийн дарга А.Төвшинийг шалган үзээд, хорих саналаас татгалзсан. Улмаар ЭМДЕГ-ын дарга асан Л.Бямбасүрэн, Баянзүрх дүүргийн ЭМДГ-ын чанарын албаны дарга С.Ундрам, ЭМДЕГ-ын Нэхэмжлэлийн эмнэлзүйн хяналтын мэргэжилтэн Б.Номинсувд нарыг тодорхой хугацаанд цагдан хориог энэ сарын 19-ний өдөр цуцлах шийдвэр гаргасан. Одоогоор тус дөрвөн этгээдэд хилийн хориг тавьж гадуур шалгалтыг үргэлжлүүлж байна" хэмээсэн юм.

Эхэнд дурдсанчлан эм, эмнэлгийн байгууллагуудтай холбогдох энэ хэргийн авилга өгч байсан улсын болон хувийн эмнэлгүүдийн захирлуудын нэрс эхнээсээ тодорч эхэлсэн тухай эх сурвалж мэдээлж байна.

Одоогийн байдлаар “Гэгээн манал” эмнэлгийн захирал Л.Анхтуяа, “Нандин ухаан” эмнэлгийн захирал Л.Ариунтуяа гэх төрсөн эгч, дүү хоёр ЭМДЕГ-ын дарга асан Л.Бямбасүрэнд удаа дараагийн үйлдлээр их хэмжээний авлига өгч байсныг илрүүлэн, хамтад нь шалгаж эхэлсэн байна. Одоогоор Л.Анхтуяа, Л.Ариунтуяа гэх эгч, дүү хоёр Л.Бямбасүрэнд 100 сая төгрөгийн авлига авсан нь нотлогдоод байна.

Үргэлжлэл бий...

З.УЧРАЛ

Энэ мэдээнд өгөх таны үнэлгээ

Хуваалцаарай Жиргээрэй