АНУ-ын сонгууль: Хэдэн цагийн дараа санал хураалт хаагдаж эхэлнэ

АНУ-ын 60 дахь ерөнхийлөгчийн сонгууль явагдаж байна. Санал хураалт хаагдаж эхлэх хүртэл хэдхэн цаг үлдлээ. Зарим савлагаатай мужуудад санал өгөх явцад саад учруулахаар заналхийлэл гарсан ч сонгуулийн албан тушаалтнууд ирц өндөр байгааг талаар мэдээлсэн юм. АНУ-ын албан тушаалтан “CNN” агентлагт хэлэхдээ Мичиган, Висконсин, Жоржиа мужуудад ОХУ-аас гаралтай байж болзошгүй заналхийлэл ирсэн гэсэн байна.

Эдгээр заналхийлэл “Оросын цахим шуудангийн домэйнуудаас ирсэн бололтой. Одоогийн байдлаар эдгээр заналхийллийг бодитой хэмээн үзэх үндэслэл байхгүй. хэмээн Холбооны мөрдөх товчоо мэдээлсэн юм.

Ерөнхийлөгчийн сонгуульд өрсөлдөгчид ирцийг нэмэгдүүлэхэд анхаарч ажиллаж байна. Дэд ерөнхийлөгч Камала Харрис мягмар гарагийн /2024.11.06/ үдээс хойш буюу Улаанбаатарын цагаар шөнө Вашингтон хотод сонгогчид руу утасдаж сонгуулиа өгөхийг уриалах ажиллагаанд оролцжээ. Харин ерөнхийлөгч асан Дональд Трамп цахим хуралд оролцож, сонгогчдыг “тэр сайхан буйдангаасаа босож” саналаа өгөхийг уриалсан байна.

Ерөнхийлөгчийн сонгуульд санал өгсөн сонгогчдоос “CNN” агентлаг санал асуулга авсан байна. Тэдгээр сонгогчид улсынхаа нөхцөл байдалд сэтгэл дундуур байгаа аж. Ойролцоогоор тэдний дөрөвний гурав нь АНУ-ын өнөөгийн нөхцөл байдлыг сөргөөр үнэлжээ. Харин зөвхөн дөрөвний нэг орчим нь улс орны байдалд сэтгэл хангалуун эсвэл урам зоригтой байгаагаа илэрхийлсэн байна. Харин арван хүн тутмын дөрөв нь сэтгэл дундуур байгаагаа, арван хүн тутмын гурав нь маш сэтгэл дундуур байгаагаа илэрхийлсэн юм.

Гэсэн ч сонгогчид ерөнхийдөө өөдрөг хэвээр байгаа аж. Арван хүн тутмын зургаа нь АНУ-ыг сайн ирээдүй хүлээж байгаа гэсэн бол гуравны нэг орчим нь сайн цаг үе өнгөрсөн гэж үзжээ. Ерөнхийлөгч Жо Байдены үнэлгээ үндэсний хэмжээнд тааруу байгаа бөгөөд санал өгсөн сонгогчдын арван хүн тутмын дөрөв нь түүний ажлын гүйцэтгэлийг дэмжиж байгаагаа илэрхийлсэн бол олонх нь дэмжихгүй байна.

Эх сурвалж: CNN

Энэ мэдээнд өгөх таны үнэлгээ

Хуваалцаарай Жиргээрэй