"Занаду Майнз" 5.5 сая австрали долларын санхүүжилт босгосноо зарлалаа

Монгол дахь зэс, алтны нөөц бүхий Хармагтай  төсөл дээр ажиллаж буй “Занаду Майнз” компани хөрөнгийн зах зээлээс 5.5 сая австрали долларын санхүүжилт татан төвлөрүүлсэн талаараа албан ёсоор мэдээллээ. Энэхүү санхүүжилт нь хайгуулын төслүүдийг санхүүжүүлэх бөгөөд хөрөнгө оруулагчдаас татсан хөрөнгөөр бүрдэж буй билээ. “Занаду майнз” компанийн татан төвлөрүүлж буй санхүүжилтүүд нь Монголын баялгийн салбарт томоохон боломжуудыг нээхэд чиглэгдэж байгаа талаар онцолсон байна.

Өнгөрөгч долоо хоногт тус компаниас 100 сая хувьцаа гаргаж санхүүжилт босгоно гэдгээ зарласан бөгөөд төслийн урьдчилсан ТЭЗҮ-ийг үр дүнг танилцуулсныхаа дараа “Зижинь” компанитай дараагийн хэлэлцээгээ хийх тов бий. 2020 онд “Занаду Майнз” 3.3 сая ам.доллар, 2022 онд 4.5 сая ам.долларын санхүүжилт босгож байсан юм.

Т.БАТСҮРЭН

Энэ мэдээнд өгөх таны үнэлгээ

Хуваалцаарай Жиргээрэй