Ирэх оны төсвийн төслийг гурван түвшинд тодотгохоор Засгийн газраас төслөө боловсруулж буй. УИХ-аас 2025 оны төсвийг хэт данхайсан байна гэх шүүмжлэл авч шаардлагатай хэмнэлтүүдийг төсвийн тодотгол дээр оруулж ирэх асуудлыг хөндсөн. Энэ талаар Сангийн сайд Б.Жавхлан “Төсвийн тэнцлийг алдагдалгүй байлгах, зарим нэг томоохон бүтээн байгуулалтын ажлыг зогсоох, хойшлуулах асуудал гарна. Урсгал зардал өөрөө Засгийн газрын үйл хөдлөл бүрийг санхүүжүүлж байдаг, үйл ажиллагааг нь доголдуулахгүй байх үндсэн үүрэгтэй.Тэгэхээр урсгал зардлыг танана гэдэг энэ үйл ажиллагааг хойшлуулах, зогсоох асуудал үүснэ” хэмээн хэвлэлд өгсөн тодруулгадаа хэлэв. Засгийн газрын гишүүд буюу яамдын сайдуудын зардлаас танаж болох, сайдуудын хэрэгжүүлж буй нийгэмд ач холбогдолгүй төслүүдийг татах санаачилгыг УИХ-ын гишүүд санал болгосон. Тухайлбал хүүхэд рүү чиглэсэн 18.3 тэрбумын ваучерийг ч хэмнэж болох зардлын тоонд нэрлэж байсан билээ. Гэтэл Сангийн сайд өөрөө сайдуудынхаа зардлыг хасаж, танах тал дээр шууд бусаар "боломжгүй" гэдэг байр суурь илэрхийлж байгаа нь төсвийн тодотгол олон нийтийн хүсээд байгаа шиг "хэмнэсэн төсөв" болж ирэхгүй нь бололтой.
Засгийн газрын сайдуудын зардлаас танах боломжгүй гэдэг тойруу байр суурийг Сангийн сайд ийнхүү илэрхийлсэн юм. Өөрөөр хэлбэл ирэх оны төсвөөс яамдын зардлуудыг танах гишүүдийн саналыг төдийлөн дэмжихгүй байгаа бөгөөд үнэхээр төсвийг танахдаа тулбал томоохон бүтээн байгуулалтын төсвийг хойшлуулах боломжийг урдаа тавина гэв. Ингэхээр ирэх оны төсвийн тодотголд илүү зардлаа танах бус улсын хэмжээний төсөл, бүтээн байгуулалтыг царцаах тодотгол орж ирэх нь ээ.
Т.БАТСҮРЭН
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Урсг�##� зардлаа тооцож үз хэмнэлт хий гээд байхад бүтээн байгуул�##�таа царцаах юм ярьж ялархаж болохгүй байхаа хэрэв ялархаад байв�##� арай шударга хийчих хүн олдох байлгүй дээ хэтэрхий бяр нь амтагдаад байв�##� амаараа газар мөргөх байлгүй дээ Жавхлан гуай.
Сайдуудын зард�##�аас өөртөө ашиг авдаг болоод дэмждэг байлгүй дээ. Өлөн шун�##�.
Суганы үс болж амьдарч байж хаан заан мэт царайлан дүр эсгээд яахав дээ