Алдарт BTS хамтлагийн V шинээр гаргасан Winter Ahead нэртэй дуу нь дэлхийн 75 орны iTunes чартыг тэргүүлсэн талаар “BigHit Music” агентлаг бямба гарагт /2024.11.30/ мэдэгдсэн байна. “BigHit Music” бол BTS хамтлагийг эзэмшдэг агентлаг юм.
Winter Ahead дууг V уран бүтээлч Пак Хёосинтэй хамтран бүтээжээ. “BigHit Music” агентлаг мэдээлснээр тус баасан гарагт /2024.11.29/ цацагдсан уран бүтээл нь Их Британи, Германи, Япон зэрэг орнуудын iTunes чартыг тэргүүлсэн байна. Үүнээс гадна дэлхийн iTunes, Европын iTunes чартыг тэргүүлжээ. Цацагдсан даруйдаа тус уран бүтээл Youtube дээрх эрэлттэй дууны хэсэгт орсон юм. Winter Ahead дуу Youtube дээр нийтлэгдсэн эхний 24 цагтаа 4.48 сая хандалт авсан байна.
Эх сурвалж: Korea Times
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.