БНСУ-д өрнөж буй онц байдлын дараах процесс үргэлжилсэн хэвээр байна. Тус улсын ерөнхий ассемблей буюу парламент дээр онц байдлын үеэр юу болсон талаар холбогдох албаныхныг байлцуулан парламентийн гишүүд асуулга явуулсан билээ. Онц байдалтай холбогдуулан, Батлан хамгаалахын сайд Ким Ён Хён огцрох өргөдлөө өгсний дараа баривчлан хорьсон юм.
Тус улсын ерөнхийлөгч Юн Сок Ёлын маш богино хугацаанд цэргийн онц байдал зарласантай холбоотой өргөн хүрээтэй мөрдөн байцаалт явуулж, Өмнөд Солонгосын цагдаа нар лхагва гарагт ерөнхийлөгчийн тамгын газарт нэгжлэг хийсэн гэж ерөнхийлөгчийн аюулгүй байдлын албаны хүн мэдэгджээ. Прокурорууд бослого үйлдсэн байж болзошгүй хэргүүдийг шалгаж, сөрөг хүчний хууль тогтоогчид түүнд импичмент зарлахыг эрэлхийлсээр байгаа тул Юныг эх орноосоо гарахыг хориглосон нь өнгөрсөн долоо хоногт Өмнөд Солонгост улс төрийн тааварлашгүй үйл явдлуудыг бий болгосон хэвээр байна.
Батлан хамгаалахын сайд асан Ким өнгөрсөн ням гарагт нийслэл Сөүл хотод саатуулагдсан нь энэ хэргийн улмаас баривчлагдсан анхны хүн болсон. Тэрбээр цэргийн онц байдал тогтоохыг ерөнхийлөгчдөө зөвлөж, ятгасан гэж буруутгагдан улс төрийн сөрөг хүчин болон олон нийтээс шүүмжлэл аваад байсан юм.
Батлан хамгаалахын сайд асан Ким өнгөрсөн ням гарагт нийслэл Сөүл хотод саатуулагдсан нь энэ хэргийн улмаас саатуулагдсан анхны хүн болсон юм. Тэрээр цэргийн байдал тогтоохыг зөвлөж, пүрэв гарагт Батлан хамгаалахын сайдын албан тушаалаасаа огцорсон гэж мэдэгджээ.
Солонгосын Засах хүмүүжүүлэх албаны ерөнхий комиссар Шин Ён Хэ хэлэхдээ, мягмар гарагийн орой түүнийг албан ёсоор баривчлах тушаал гарч, албаныхан түүний өрөө рүү нэвтэрч орох үед Ким өөрийгөө егүүтгэхийг завдсан гэж мэдэгджээ.
Үндэсний Ассемблэй дээр хууль тогтоогчидтой уулзах үеэрээ Шин хэлэхдээ, хэрэг явдал угаалгын өрөөнд болсон бөгөөд тэр хүмүүсийг хараад энэ үйлдлээ зогсоосон. Түүнийг одоогоор эмчилгээний тусгаарлах өрөө рүү шилжүүлсэн бөгөөд эрүүл мэндийн асуудалгүй байгаа гэв.
Ажиглагчдын зүгээс түүнийг нэр бүхий улс төрчдийн улс төриын дарамтад орсны улмаас амиа хорлохыг завдсан хэмээн таамаглаж буй бөгөөд тус улсын ерөнхийлөгч Юн Сок Ёлыг онц байдал зарлахыг ятгасан гэх буруутгал зөвхөн түүнийг чиглэж буй.
Гэвч ассемблей дээр тухайн өдөр зүрэг даалгавар авсан албаныхнаас тодруулахад БНСУ-ын ерөнхийлөгч өөрөө голчлон утсаар ярьж үүрэг даалгавар өгсөн нь ил болсон бөгөөд түүнийг дараагийн баривчлагдан шалгагдах хүн хэмээн улс төрчид болон нийт шүүмжилсээр байна.
Эх сурвалж: CNN
Т.БАТСҮРЭН
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Со нар нэг юм болхоор л амиа хорлох тухай боддог гаж хүмүүс юм бна
Угаас амиа хорлохоос өөр аргагүй байд�##�д орж бгаа юм.Ямар ч кареэргүй болно.Амьд үхдэл болно.