Айлуудын цахилгаан хэрэгсэл тог хэлбэлзсэнээс болж гэмтвэл сэлбэгийг нь авах эрхтэй
Ойрын өдрүүдэд төлөвлөж байршлыг нь зарлаагүй цахилгааны хязгаарлалт хийж эхлээд байна. Цаг үеийн нөхцөл байдлаас үүдсэн уг шийдвэр нь иргэдэд хүндрэл учруулж буй. Гэнэт тог тасарч хэлбэлзснээр иргэдийн цахилгаан хэрэгсэл гэмтэх нь нийтлэг. Энэ тохиолдолд хохирлыг хэрхэх талаар мэдээлэл хүргэе.
Эрчим хүчний тухай хуулийн тавдугаар бүлгийн 30 дугаар зүйл, хэрэглэгчийн эрх, үүрэг хэсэгт "Эрчим хүчээр хангагч гэрээний үүргээ зохих ёсоор биелүүлээгүйгээс эрчим хүч дутуу нийлүүлсэн, гэрээнд заасан тоо хэмжээ, чанарын үзүүлэлт бүхий эрчим хүчээр хангаагүй бол эрчим хүчний төлбөрийг бүрэн буюу зарим хэсгийг төлөхөөс татгалзах, хохирлоо нөхөн төлүүлэхээр нэхэмжлэх" эрхтэй.
Хэрвээ таны цахилгаан хэрэгсэл дээрх агуулгад нийцэх нөхцөлд гэмтсэн бол,
- Харъяа дүүргийн хэрэглэгчдэд үйлчлэх төвд хохирлынхоо хэмжээг бичиж өргөдлөө 24 цагийн дотор хүргэнэ
- Тухайн байгууллага нь холбогдох газар өргөдлийг хүргэж өгснөөр гэмтлийн шалтгааныг тогтоож, холбогдох нэгж рүү мэдээлнэ
- Мэргэжилтэн гэмтсэн хэрэгслийг үзэж оношилно
- Дүгнэлтийг мэргэжлийн комисс шалгаж, шатсан эд ангийг нь сольж өгнө
Бусад шалтгаанаар цахилгаан хэрэгсэл гэмтсэн бол Нийслэлийн мэргэжлийн хяналтын тусгай комисс ажиллаж буруутныг тогтоодог.
Б.ХАШ-ИЛД
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Пээ нөгөө харганы ноос түүж эсгий хийнэ гэдэг болох юм бна даа
10-ны цахилгааны таслалтаас байшингийн цахилгаан халаагуурын мэдрэгч ажилгүй болсон. Энэ мэт их л хохирч бгаа бхдаа.
Наадах чинь хэзээ ч хэрэгжихгүй тог хэлбэлзэж эд хөрөнгөөрөө хохироод л үлддэг наад үлгэрээ.болио
Хэзээч хохирлыг нь төлөхгүй шдэ авах болохоороо хууль дүрэм яриад цахилгаан таслана гэж сүрдүүлж бгаад авна шдэ
Хаана хандах вэ утас байна уу
Үнэн үү. Хаана хандах вэ? Утас бна уу