АНУ-ын нийслэл Вашингтонд “American Airlines”-ийн иргэний тээврийн онгоц зэвсэгт хүчний нисдэг тэрэгтэй мөргөлдсөн ноцтой осол лхагва гарагт /2025.01.29/ гарсан. Иргэний тээврийн онгоцонд 64 хүн, нисдэг тэрэгт 3 хүн зорчиж явсан юм. Харамсалтайгаар ослоос нэг ч хүн амь гараагүй байна.
Пүрэв гарагт /2025.01.30/ АНУ-ын албан тушаалтнууд мэдээлэл хийхдээ осол гарсан шалтгаан одоогоор тодорхойгүй байна гэсэн юм. Энэ осол нь сүүлийн 20 жил гаруйн хугацаанд АНУ-д гарсан хамгийн их хүний амийг авч одсон агаарын тээврийн осол болов.
Амь үрэгдсэн хүмүүсийн нэрийг зарлаагүй байгаа ч “American Airlines”-ийн онгоц дотор залуу уран гулгагчид байсан талаар эх сурвалжууд мэдээлжээ. АНУ-ын Тээврийн нарийн бичгийн дарга Шон Даффи хэлэхдээ хоёр онгоц осол гарахаас өмнө стандарт нислэгийн замаар явж, харилцаа огт тасраагүй гэсэн байна. Виржиниа мужийн амбан захирагч Глен Янгкин “Осол гарах хүртэл бүх зүйл тогтсон журам дагуу явагдаж байсан” гэсэн юм.
Эх сурвалж: Reuters
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.