Д.Цогтбаатарын ял сонссон 60 хоног өнгөрч, Үндсэн хуулийн зөрчил үүслээ

УИХ-ын гишүүн Дав.Цогтбаатар Улсын дээд шүүхээс 2024.12.11-нд ял сонсож, алх цохиулснаас хойш 60 хоног өнгөрчихлөө. Өөрөөр хэлбэл, УДШ-ийн тогтоол албажих 60 хоног дууслаа.

Гэтэл 20 саяын торгууль, 2 жил төрд ажиллахгүй байх ял биелэхгүй УИХ-ын гишүүний бүрэн эрх нь хэвээр хэрэгжсээр байна.

1. Ялын прокурор ял эдлүүлэх ажиллагаанд хяналтаа тавих, ШШГЕГ Дээд шүүхийн шийдвэрийг биелүүлэхгүй байгаа асуудал,
2. УИХ-ын гишүүнээс эргүүлэн татах УИХ-ын тогтоолыг УИХ-ын Төрийн байгуулалтын байнгын хороо хэлэлцээд байнгын хорооны саналыг УИХ-ын нэгдсэн чуулганаар хэлэлцэх процесс явагдахгүй байгаа асуудал,  
3. Гэм буруутай нь эцэслэн шийдэгдсэн субьект хууль батлалцаж байгаа асуудал хөндөгдөж эхэлнэ. Шүүхээс гэм буруутай гэж үзсэн шийдвэр гаргачихсан байхад хууль тогтоох процесст оролцож буй агуулгаар ҮХЦ-д асуудал тавих, хүлээж авах магадлал өндөрслөө.

НЭГТ, Үндсэн хуулийн 29 дүгээр зүйлд “УИХ-ын гишүүн гэмт хэрэг үйлдсэн гэж шүүх тогтоовол УИХ-аас гишүүнийг эргүүлэн татна” гэж заасан. Иймд, нэгэнт гарсан шүүхийн шийдвэрийг баталгаажуулах хэлбэрээр л УИХ хэлэлцэнэ. Хэрэв баталгаажуулсан тохиолдолд гишүүнийг бүрэн эрхээс нь эгүүлэн татна. Баталгаажуулахгүй авч үлдвэл УИХ өөрөө Үндсэн хууль зөрчсөн асуудалд орох юм.

ХОЁРТ, “…Дээд шүүхийн шийдвэр эцсийн шийдвэр бөгөөд бүх иргэн, байгууллага заавал биелүүлнэ” гэх Үндсэн хуулийн заалт бий.

У.УЯН

Энэ мэдээнд өгөх таны үнэлгээ

Хуваалцаарай Жиргээрэй