Спорт, бооцоот таавар, хонжворт сугалааны тухай хуулийн төсөл боловсруулж дууссан бөгөөд ирэх долоо хоногт хэлэлцүүлэг зохион байгуулахаар болжээ.
ЗГХЭГ-ын дарга Н.Учрал "Цахим мөрийтэй тоглоомоор дамжиж 1.7 их наяд төгрөг Монголоос гадагшилсан" гэдэг тоон мэдээлэл хэлсэн.
ЦЕГ-аас "Маш олон гэр бүл цахим мөрийтэй тоглоомын улмаас гэрлэлтээ цуцлуулж байна гэдэг мэдээллийг гаргасан" хэмээн мэдэгдээд буй.
Тус хуульд,
20.1 дэх хэсэгт "Спорт, бооцоот таавар, хонжворт сугалааны ажиллагаа эрхлэгч нь спорт, бооцоот таавар, хонжворт сугалаанд оролцуулахгүй хүний жагсаалт хөтөлж болох бөгөөд хариуцлагатай тоглохыг дэмжих үүднээс оролцогч өөрөө, эсхүл түүний гэр бүлийн гишүүн хүсэлт гаргасан бол түүнийг спорт, бооцоот таавар, хонжворт сугалаанд оролцуулахгүй хүний жагсаалтад оруулна" гэж зааж өгсөн байна.
20.2 дахь хэсэгт "спорт бооцоот таавар, хонжворт сугалааны сөрөг үр дагавараас сэргийлэх зорилгоор оролцогчийн гэр бүлийн гишүүн оролцогчийг спорт бооцоот таавар, хонжворт сугалаанд донтсоны улмаас иргэний эрх зүйн чадамжийг хязгаарлуулах тухай хүсэлтийг шүүхэд гаргаж болно" гэжээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Зүйтэй зүйтэй, ийм хууль гаргах цаг болсоон болсон !