"Ерөнхий сайд УИХ-ыг суртал ухуулгын талбар болгож байна. Ж.Баярмаагаас уучлалт гуйх ёстой"

Өнөөдөр УИХ дахь АН-ын бүлэг хуралдсаны дараа сэтгүүлчдэд мэдээлэл өглөө. АН-ын бүлгээс Монгол Улсын Ерөнхий сайд, МАН-ын дарга Л.Оюун-Эрдэнэ тавдугаар сарын 1-ний чуулганы хуралдаан болох өдрийг хүртэл ард түмэн, УИХ-аас, УИХ-ын гишүүн Ж.Баярмаагаас өөрийнхөө амаар уучлалт гуйх ёстой хэмээн шийдвэрлэв. Хэрэв уучлалт гуйхгүй бол АН-ын бүлэг чуулганаар хэлэлцэх бүх асуудлаас завсарлага авна хэмээн мэдэгдэв. Мөн УИХ дахь АН-ын бүлгийн дарга О.Цогтгэрэл,

Өнөөдрийн хуралдаанаар Ардчилсан намын бүлэг дөрвөн асуудал хэлэлцсэн.

• Монгол Улс дахь хүний эрх, эрх чөлөөний байдлаарх 24  дүгээр илтгэлийг ХЭҮК-оос танилцуулж, гишүүдийн асуултад хариулт авсан.
• Ардчилсан улс орнууд дижитал  байдлаар иргэдийн оролцоог хэрхэн хангаж байгаа талаар бүлгийн албаны хийсэн судалгаагаар цахим сайт ажиллуулах тухай,
• Үндсэн хуулийн Цэц дээр иргэдийн сонгох эрхийг зөрчиж байгаа мандатын тоотой тэнцүү дугуйлах ёстой гэдэг заалтын талаар,
• УИХ-ын гишүүн Ж.Баярмаагийн асуултад Ерөнхий сайд Л.Оюун-Эрдэнэ хариулахдаа хэрхэн байр сууриа илэрхийлэх парламентын ёсыг үгүйсгэсэн.

Угтаа бол ард түмэн болон тэдний төлөөллөөс уучлалт гуй буй явдал. Энэ бол зөвхөн хувь хүний асуудал биш. Ард түмний төлөөллийг хэн нэгэн хүний төлөөлөл мэтээр УИХ-ын индэр дээрээс мэдээлж буй нь зарчимгүй үйлдэл бөгөөд Ерөнхий сайдыг УИХ-аас томилдог. Гэтэл УИХ-ынхаа дээр гарч суугаад УИХ-ын гишүүдээ доромжилж болохгүй.

АН-ын бүлгийн дэд дарга Х.Тэмүүжин,

Өнгөрсөн Баасан гаригт УИХ дээр Ерөнхий сайд мэдээлэл өгч байсан үйл явцтай холбоотойгоор УИХ дахь Ардчилсан намын бүлгийн дүгнэлтийг уншиж танилцуулсан. Гэтэл УИХ дахь Ерөнхий сайдын мэдээллийг цаг нь Засгийн газрын суртал ухуулгын цаг болсон байна. Ерөнхий сайд юу ярих, ямар мэдээлэл өгөхийг өөрөө мэддэг болсон нь УИХ-ын Үндсэн хуулиар хуваарилсан эрх мэдлийн зарчмуудыг бүдэгрүүлж байна. Парламент бол төрийн эрх барих дээд байгууллага. Засгийн газарт хариуцлага тооцох эрх мэдэлтэй байгууллага. Ерөнхий сайд Л.Оюун-Эрдэнэ УИХ-ын өмнө ажлаа хариуцан тайлагнадаг албан тушаалтан бөгөөд УИХ-аас томилогддог. УИХ-ын талбарыг Засгийн газрын суртал ухуулгын талбар болгохоос гадна тэр өдөр УИХ-ын гишүүдийг доромжилдог цаг болгон хувиргасан. УИХ-ын дарга Д.Амарбаясгалан энэ ажлыг хариуцаж хийх ёстой. Эмэгтэй хүнийг доромжилж харьцаж болохгүй. Парламентын дарга тухайн үед нь арга хэмжээ авч чадаагүй бол одоо уучлалт гуйлгах хэрэгтэй. УИХ-д Ерөнхий сайдын мэдээллийг цаг гэдгээ болих ёстой. Ерөнхий сайд эсрэгээрээ тайлбар мэдээлэл өгдөг болъё" гэв.

Т.ГЭРЭЛТ-ИРЭЭДҮЙ

Энэ мэдээнд өгөх таны үнэлгээ

Хуваалцаарай Жиргээрэй