Өнгөрсөн сард Хятадын гааль дээр хураагдсан эд зүйлсийн жагсаалтад хар тамхи эсвэл зэвсэг бус харин чихмэл тоглоом олноор хураагдах болсон байна.
Тухайлбал, Pop Mart-ын Labubu тоглоомыг олноор хураах болсон бөгөөд дэлхий даяар трэнд болж буй уг тоглломын төлөө дэлгүүрүүдийн гадна фэнүүдийн зодоон үүсэхүйц хэмжээнд хүрчээ. Pop Mart-ын үндсэн байр Хятадад байдаг бөгөөд тоглоомуудын ихэнхийг тус улсад үйлдвэрлэдэг ч худалдан авагчид уг тоглоомыг гартаа оруулахын тулд одоо ч сорилт болсоор байгаа аж. CNN Бээжингийн төв хэсэгт байрлах хүн ихтэй худалдааны төвийн Pop Mart дэлгүүрийг зориход Labubu худалдаанд байхгүй. Зөвхөн шилэн хоргонд үзүүлэн загаварууд л байв. Хятадын гаалийн байгууллага 4-р сараас хойш нийт 462 ширхэг Pop Mart-ын тоглоомыг хураан авчээ. Ингэхдээ дахин худалдаалах зорилгоор худалдан авч буй тул ийн хураан авч байгаа талаар мэдэгдсэн байна.
Т.БАТСҮРЭН
Эх сурвалж: CNN
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.