Х.Нямбаатар: Хотын төвд бетон цутгаж ТҮЦ байрлуулчхаад, үл хөдлөхийн гэрчилгээ хөөцөлддөг зүйл байж болохгүй
Зөвшөөрөлгүй байрлуулсан Түргэн Үйлчилгээний Цэг(ТҮЦ)-үүдийг өчигдрөөс дахин нүүлгэж эхэлсэн. Тодруулбал нийслэлийн төвийн зургаан дүүргийн 51 байршлын 112 ТҮЦ-ийг нүүлгэн шилжүүлж байгаа юм.
ТҮЦ эрхлэгчид үүнийг эсэргүүцэж, өмч хөрөнгийг эвдэн сүйтгэж байна хэмээн бухимдлаа илэрхийлсээр буй.
Энэ асуудлаар хотын дарга Х.Нямбаатар цахим хуудсандаа "Нийтийн эзэмшлийн талбай дээр ямар ч зөвшөөрөлгүй бетон цутгаж дээр нь ТҮЦ байрлуулсан байна.
Хотын төвд бетон цутгаад дээр нь ТҮЦ байрлуулчхаад дараа нь үл хөдлөхийн гэрчилгээ хөөцөлддөг ийм зүйл байж болохгүй. ТҮЦ-ийг хууль бусаар байрлуулсан иргэд тогтоосон хугацааны дотор өөрсдөө чөлөөлөх ёстой. Тогтоосон хугацаа дуусмагц хотын зардлаар чөлөөлж, гарсан зардлыг тухайн ТҮЦ эзэмшигч, Нийтийн эзэмшлийн зам талбайд зөвшөөрөлгүй байрлуулсан ТҮЦ-үүдийг 2025 оны дөрөвдүгээр сараас нүүлгэн шилжүүлж, газар чөлөөлөх арга хэмжээ авч эхэлсэн.
Энэ явцад хотын захиргаанаас ТҮЦ эрхлэгчдийн холбоо буюу гурван холбоотой 3-4 удаагийн уулзалтыг зохион байгуулан 1,669 ажлын байр, 48 зах худалдааны төвд лангуу түрээслэх саналыг тавьсан байна. Одоогийн байдлаар ТҮЦ эрхлэгч 22 иргэн лангуу түрээсэлж, үйл ажиллагаагаа явуулж байгааг өчигдөр Улаанбаатар хотын Ерөнхий менежер бөгөөд Захирагчийн ажлын албаны дарга Г.Батзориг хэлсэн юм.
Г.МИШЭЭЛ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Түцчин хүмүүсээ ийм эсэргүүн байж болохгүйшдээ хотын даргын ажлыг хийлгэ