Өнгөрсөн зургаадугаар сард АН Хамтарсан Засгийн газраас гарч, тус намын дарга Лу.Гантөмөр даргын суудлаа өгөхөө мэдэгдсэн.
Үүнээс хойш тус намын даргын суудлын төлөөх өрсөлдөөн үргэлжилж, зарим гишүүдийн нэр яригдаж буй. Үүнтэй холбоотойгоор тус нам Үндэсний бодлогын хороогоо намар хуралдуулах чигтэй байсан ч өдөр нь товлогдоогүй байгаа.
Харин өчигдөр Ардчилсан намын ҮБХ-ны хурал хуралдуулахаар АН-ын С.Эрдэнэболд, Б.Түвшин нарын гишүүд 168 гишүүний гарын үсэг бүхий шаардлагыг ҮБХ-ны дарга, УИХ-ын гишүүн О.Амгаланбаатарт өгсөн.
Тиймд Үндэсний бодлогын хорооны хуралдаан болон үүсээд буй асуудлаар тус намын Улс төрийн зөвлөл өнөөдөр /2025.08.19/ хуралдах албан бус мэдээлэл гараад байсан. Тэгвэл уг хурлын талаарх зар мэдээлэл УТЗ-ийн гишүүдэд ирсэн бөгөөд хуралдааныг маргааш /2025.08.20/ үдээс хойш намын байрандаа зохион байгуулах аж.
Д.ЦЭГЦ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
БООВЧИН АЛЧИН ШАЛ ТЭНЭГ НАМ ТОЧИК ЗААР ШҮТДЭГ НАМ