Үндэсний статистикийн хорооноос долоо хоног бүр гол нэрийн барааны үнийн мэдээллийг танилцуулдаг билээ. Тэгвэл энэ долоо хоногийн байдлаар гол нэрийн барааны үнэ өмнөх сараас 1 хувиар өссөн бол өмнөх долоо хоногоос 0.6 хувиар буурсан байна.
Тухайлбал,
- Алтан тариа хоёрдугаар зэргийн савласан гурил кг тутамдаа 3 төгрөгөөр өсөж 1338
- Хар талх /300 гр/ ширхэг тутамдаа 29 төгрөгөөр өсөж 2526
- Үхрийн цул мах кг тутамдаа 96 төгрөгөөр өсөж 24176
- Ургамлын тос литр тутамдаа 183 төгрөгөөр өсөж 7731 төгрөг болсон байна.
Харин хонины ястай мах кг тутамдаа 28 төгрөгөөр буурч 16781, үхрийн ястай мах кг тутамдаа 273 төгрөгөөр буурч 20575, өндөг ширхэг тутамдаа 6 төгрөгөөр буурч 603, төмс кг тутамдаа 352 төгрөгөөр буурч 3079, лууван кг тутамдаа 334 төгрөгөөр буурч 3688, байцаа кг тутамдаа 318 төгрөгөөр буурч 3929, хүрэн манжин кг тутамдаа 96 төгрөгөөр буурч 4342, сонгино кг тутамдаа 321 төгрөгөөр буурч 4266 төгрөг болсон байна.
Г.МИШЭЭЛ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.