Хотын дарга Х.Нямбаатарт МАН-ын дарга болох зав байхгүй. Тэр өөрөө ингэж бичжээ.
Цахим орчинд "Л.Оюун-Эрдэнэ Д.Амарбаясгаланг эсвэл Х.Нямбаатарыг МАН-ын дарга бол гэж шахсан" тухай мэдээллүүд хөврөөд буй юм. "Надад тийм санал ирээгүй" гэж эрс үгүйсгэсэн.
Мөн тэрбээр цахим хуудаснаа, "хотод эхлүүлсэн олон ажил байгаа бөгөөд үр дүнг нь гаргана. Завгүй" хэмээжээ.
Тэрбээр, "Туулын хурдны замын барилга угсралтын ажил эхэлсэн, Нэгдүгээр тойрог замын тендерийг ойрын үед зарлахаар бэлдэж байна. Сэлбэ 20 минутын хотын бүтээн байгуулалтын ажил эхэлсэн. Эрчим хүчний төслүүд гараанаас гарсан. Шидэт дохиураар дохисон мэт энэ ажлууд тийм ч амархан биеллээ олохгүй. Бидний өмнө тулгарч буй асуудлууд өргөс авсан мэт шийдэгдэхгүй. Утаа, агаарын бохирдол, түгжрэл гэх хоёр том асуудлыг томоохон зориг золиос, тэвчээр гаргаж том төслүүдээ хөдөлгөж хэрэгжүүлж шийднэ. Эхлүүлсэн ажлынхаа үр дүнг харахыг зорин ажиллана. Надад хэн нэгэн хүн ийм санал тавиагүй, тавьсан ч хүлээж авахгүй" хэмээсэн байна.
У.УЯН
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Энэ фсдө дарга болох гэнэ
Энэ хүнийгхүнийг злгээр ажлыг нь хийгнж үз зөв дугураад багаа юм хөөрхий