Есдүгээр сарын 01 болоход ердөө гуравхан хоног үлдлээ. Гэтэл зарим ЕБС-ийн сандал, ширээний асуудал өдгөөг хүртэл цэгцрээгүй. Боловсролын салбарын дампуу байдал нийгмийг бухимдуулж байна. Шинээр ашиглалтад орсон сургууль, цэцэрлэгийн тоног төхөөрөмж, ширээ сандлыг түрээсээр авах асуудал хүртэл яригдаад буй юм. Энэ талаар УИХ-ын гишүүн Ө.Шижир дараах байр суурийг илэрхийлэн, шүүмжилжээ.
Тэрбээр, "Өнөөдөр 54 тэрбумаар нийслэл явган хүний чулуун хавтан сольж байна. Гэтэл нийслэлийн хэмжээнд 17 сургууль, 20 цэцэрлэг, ширээ сандалгүй. Мөнгө нь улсын төсөвт суусан ч сайд нь сонгон шалгаруулалт хийгээгүй гээд татуулсан. 18 сургууль гурван ээлжтэй буюу 10 цагт шөнө тарж байна. Хоёр ээлжтэй гэж байгаа сургууль нь нэг ангидаа 50-70 хүүхэдтэй. Жишээлбэл, Алтан гахай жилд төрсөн хүүхдүүдийг ардын засаг нь удахгүй сургуульд орно гэдгийг нь мартсан байх жишээтэй. МАН-ынхан тасралтгүй засаг бариад 10 дахь жилдээ орлоо. ХҮН намаас боловсролын сайдтай болсон, юу өөрчлөгдөв" гэжээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.