Өнөөдрөөс иргэн, ААН-ийн зээлжих чадварыг 300-850 оноогоор үнэлж, цахим үйлчилгээний төлбөрт ₮3000 авна
УИХ-аас Зээлийн мэдээллийн тухай хуульд нэмэлт, өөрчлөлт оруулах тухай хуулийг энэ оны тавдугаар сард баталсан. Үүний дагуу иргэн, аж ахуйн нэгжийн зээлийн мэдээллийг ангиллаар тооцдог байсныг болиулж, олон улсын стандартын дагуу онооны системд шилжихээр болсон юм.
Хуулийг хэрэгжүүлэх хүрээнд Монголбанкны зүгээс холбогдох журмыг баталсан бөгөөд Монголбанкны Ерөнхийлөгчийн есдүгээр сарын 01-ний өдрийн тушаалаар иргэн, аж ахуйн нэгжийн зээлийн мэдээллийн лавлагаанд өөрчлөлт оруулаад буй.
Ингэснээр 2025.09.01-ний өдрийн байдлаарх зээлийн мэдээллийн санд бүртгэлтэй найдваргүй зээлийн ангилалд буй бүх мэдээллийг хүчингүй болгосон. Үүнтэй холбоотойгоор өнөөдрөөс зээлийн мэдээлэл нийлүүлэгч болон банк, санхүүгийн байгууллагууд нь иргэн аж ахуйн нэгжийн зээлжих чадавхыг хуулийн дагуу онооны системээр тооцно. Тодруулбал, иргэн, аж ахуйн нэгжийн зээлийн мэдээллийн лавлагаанд зээлийн ангиллын мэдээллийг тусгахгүй бөгөөд цаашид зээлийн мэдээллийг зээлдэгчийн зээлжих чадварт зэрэглэл тогтооход ашиглана.
Зээлийн оноог зээлдэгчийн зээлээ эргэн төлөх чадвар, эрсдэлийн түвшин зэрэгт үндэслэн тооцоолдог бөгөөд санхүүгийн сахилга бат, зээлийн түүх, өр орлогын харьцаа, төлбөрийн чадвар зэргийг тодорхойлсон тоон үзүүлэлт юм. Хэрэв зээлдэгч зээлээ төлж чадахгүйд хүрч, зээлийн оноо нь буурсан ч эргээд хэвийн төлж эхлэхэд тухайн иргэний оноо бодит цагийн горимоор өөрчлөгдөж, хэвийн түвшинд хүртэл нэмэгдэх боломжтой.
Иргэн та зээлийн оноогоо мэдэхийн тулд “И-Монголиа” системд нэвтэрч “Зээлийн онооны лавлагаа” цонхонд хандах бөгөөд үйлчилгээний төлбөр 3000 төгрөг. Энэ үйлчилгээг авснаар зээлийн хэдэн оноотой гэдгээ мэдэх боломжтой. Таныг 300-850 онооны хооронд үнэлнэ. Тус оноо нь өндөр байх тусам тухайн зээлдэгч нь сайн буюу зээлээ эргэн төлөх магадлал өндөр, эрсдэл багатай зээлдэгч гэсэн утга илэрхийлнэ. Харин бага бол зээл авах боломж хумигдана гэсэн үг.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Buur neg harhnii uraldaan bolgochih yum daa
Лхагвасүрэн �##�бин тийрээн чи �######�аачээ огцроочээ танай банк дампуурчихаад байна аа.
Лхагвасүрээн бэлтрэгээ, нохойн савраа, үнэгний гавраа чи заайлаачээ а�##�бин чинь
Бас юуг 3000 төгрөг вэ. Та нар зүгээр л ажлаа хийгээч
Энэ iban гэж байлай юм хийж бантан хутгасан одоо 1000төгрөгний лавлагааг 3000төгрөг болгож л байна гай болохгүй битгий хий тэгэх үү
Оноо авахын тулд 3000 г төлөх юмуу шулаачид
Өр зээлгүй хүн хамгийн муу, ямар ч оноо байхгүй, аюултай этгээд гэж тооцно гээ биз дээ??
Хахаха ямар ялгаа байгаан бэ нэмэгдэхүүний байрл�##�ыг өөрчлөхөд нийлбэрийн дүн өөрчлөгдөхгүй гэдэгтэй яг адилхан юм хийх юм дуракууд хахаха