Танилц: Хөгжлийн банкны хэргээс цагаатгасан хүмүүсийн нэрс

Хөгжлийн банкны гэх тодотголтой хэргийн шүүх хурал найман хоногийн өмнө эхэлсэн. Өчигдөр /2025-09-15/ тухайн хэрэгт 42 иргэн, 3 хуулийн этгээдэд холбогдсон хэргийн шүүх хурал өчигдөр өндөрлөж, шүүх шийдвэрээ гаргалаа.

Нийслэлийн Прокурорын газраас дараах хүмүүст Эрүүгийн хуулийн тусгай ангийн 22.1-р зүйл “Эрх мэдэл, албан тушаалын байдлаа урвуулан ашиглах”, 2 дахь хэсэгт заасан “Нийтийн албан тушаалтан албан үүрэг, бүрэн эрх, албан тушаалын байдлаа урвуулан ашиглаж, их хэмжээний хохирол учруулсан” гэмт хэрэгт холбогдуулан, яллах дүгнэлт үйлдэж, хэргийг нь шүүхэд шилжүүлсэн юм.

Улмаар 23 нь цагаадаж, 19 нь яллагдахаар болсон байна.

Хэрэгт холбогдолгүй хэмээн үзэж, цагаатгасан хүмүүсийн нэрс

• Т.Пүрэвсүрэн, С.Батзориг, Д.Бат-Очир, Ж.Үхэртараг, Ж.Бат-Эрдэнэ, Б.Махбал, Ж.Оюунчимэг, С.Магнайсүрэн, Ч.Отгочулуу, Ч.Нэргүй, М.Баянмөнх, Б.Найдалаа, Б.Лхагвасүрэн, Р.Батбаяр, М.Золжаргал, Г.Дашзэвэг, Г.Одонтуул, Б.Батзаяа, Н.Баярчимэг, Г.Галсанням, О.Хуягцогт, Б.Даваасамбуу нарт холбогдох хэргийг гэмт хэргийн шинжгүй үндэслэлээр,
• Шүүгдэгч Н.Алтанхуягт нийслэлийн прокуророос Эрүүгийн хуулийн тусгай ангийн 22.1-р зүйл Эрх мэдэл, албан тушаалын байдлаа урвуулан ашиглах, 3 дахь хэсэгт заасан “… улс төрд нөлөө бүхий этгээд… бүхий албан тушаалтан үйлдсэн” гэмт хэрэгт холбогдуулан яллах дүгнэлт үйлдэж ирүүлсэн хэргийг гэмт хэргийг шинжгүй үндэслэлээр хэрэгсэхгүй болгов.

Харин бусад холбогдогч этгээдүүд болох 19 хүнийг Хөгжлийн банкны тодотголтой хэрэгт гэм буруутай хэмээн үзэж, шүүх яллахаар болов. Өнөөдөр /2025-09-16/ эрүүгийн хариуцлага оногдуулах талаар хэлэлцэнэ.

Бид энэ хэрэг хэрхэн шийдвэрлэж, хэн хэнд ямар ял оноохыг эргэн мэдээлэх болно.

О.ОНОН

Энэ мэдээнд өгөх таны үнэлгээ

Хуваалцаарай Жиргээрэй