Жүжигчин, найруулагч, продюсер Роберт Редфорд 89 насандаа таалал төгссөн гэдгийг түүний сурталчлагч мягмар гарагт /2025.09.16/ мэдэгдсэн байна. Тэрээр өөрийн үүсгэн байгуулсан “Sundance Institute”-ээрээ дамжуулж бие даасан кино уран бүтээлүүдийг дэмжиж ирсэн юм.
Редфордын “Rogers & Cowan PMK” сурталчилгааны фирмийн гүйцэтгэх захирал Синди Бергер “Reuters” агентлагт имэйлээр мэдэгдэл хийхдээ тэр гэртээ, хайртай хүмүүсийнхээ хүрээлэлд таалал төгссөн гэжээ. Бергер түүний үхлийн шалтгааныг мэдэгдээгүй байна.
Тэрээр Холливудын хэд хэдэн томоохон кинонд дүр бүтээж, кино урлагын салбарын хамгийн өндөр орлоготой хүмүүсийн нэг болж, дэлхийн хамгийн алдартай оддын нэг болсон. Редфорд “Out of Africa”, “The Candidate”, “All the President’s Men” гэх мэт кинонд бүтээсэн дүрээрээ алдартай. Тэрээр 1970-аад онд “Sundance Institute”-ийг үүсгэн байгуулж, жижиг бөгөөд хацирхалтай кинонууд олны анхаарал татдаг болохоос өмнө бие даасан кинонуудыг дэмжиж эхэлсэн юм.
Эх сурвалж: Reuters
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.