УЛС ТӨРУлс төрийн мэдээ
Кнопны асуудлаар хойшилсон Л.Оюун-Эрдэнийн Түр хороо байгуулах санал хураалт үргэлжилнэ
Монгол Улсын Их Хурлын 2025 оны намрын ээлжит чуулганы өнөөдрийн /2025.11.10/ нэгдсэн хуралдаанаар хэлэлцэх асуудлуудыг танилцуулж байна.
- “Хянан шалгах түр хороо байгуулах тухай” Улсын Их Хурлын тогтоолын төсөл /Улсын Их Хурлын гишүүн Л.Оюун-Эрдэнэ нарын 33 гишүүн 2025.10.06-ны өдөр өргөн мэдүүлсэн, үргэлжилнэ/
- Монгол Улсын 2026 оны төсвийн тухай,Үндэсний баялгийн сангийн 2026 оны төсвийн тухай,Нийгмийн даатгалын сангийн 2026 оны төсвийн тухай,Эрүүл мэндийн даатгалын сангийн 2026 оны төсвийн тухай хуулийн төслүүд /Засгийн газар 2025.09.01-ний өдөр өргөн мэдүүлсэн, гурав дахь хэлэлцүүлэг/
Өнгөрсөн долоо хоногийн баасан гарагт "Ухаа худаг"-ийн асуудлаар Хянан шалгах Түр хороо байгуулах санал хураалтад маргаан гарч, хойшлуусан. Учир нь санал хураалт явуулахад 92 гишүүнээс 46 нь зөвшөөрч, 46 нь татгалзаж санал тэнцсэн юм. Ингэснээр 50 хувиар санал дэмжигдээгүйд тооцогдох болж, санал хураалтын үр дүнд техникийн саатал гарсан "Дэмжсэн санал дэмжээгүй гэж гарлаа" гэх маргаан гарсан. Улмаар энэ долоо хоногийн УИХ-ын ээлжит чуулганаар хэлэлцэх хамгийн эхний асуудлаар товлогдсон байна.
О.ОНОН
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.